Яшел Үзән районы Норлат мәктәбе укучылары өчен онытылмаслык көн булды. Алар Татарстанның башкаласы — Казанга сәяхәт кылды!  Программа бик тыгыз һәм кызыклы иде: Иң элек Г. Тукай исемендәге Дәүләт мемориаль музей комплексында булдылар. Шагыйрьнең тормыш юлы, аның мирасы турында яңа мәгълүматлар белделәр. Көннең икенче өлешендә К. Тинчурин исемендәге татар дәүләт драма һәм комедия театрында спектакль карадылар. Сәхнә осталарының уены балаларны сокландырды, уйландырды һәм күңелләргә ял бирде.