Яшел Үзәннең 33 нче «Ал чәчәк» балалар бакчасында Бөек татар шагыйре Габдулла Тукай юбилеена багышланган чаралар башланды! Ай буе тәрбияләнүчеләр татар мәдәнияте, теле һәм гореф-гадәтләре дөньясына чумачаклар. Балалар шигырьләр укыдылар, әкиятләр сәхнәләштерделәр, җырлар җырладылар һәм Тукай әсәрләрендәге геройлар — Шүрәле, Су анасы, Кәҗә һәм Сарык белән бергә уйнадылар! Тәрбиячеләр «Су анасы» әкиятен татар телендә курчак театры әзерләделәр. Ай дәвамында «Тукай — татар шигърияте кояшы» проекты тормышка ашырыла: викториналар, иҗади конкурслар, театральләштерү һәм китапханәләргә экскурсияләр планлаштырыла. Бәйрәмне татар теле тәрбиячесе Гүзәл Абзал кызы һәм музыка җитәкчесе Ога Александровна әзерләделәр.