12 нче май көнне  С.К. Гыйммәтдинов исемендәге  гимназия коллективы Балтач райны мәктәпләренең   уку-тәрбия эшләре урынбасарлары  өчен  «Башлангыч һәм урта белем бирүдә ФДББС ын тормышка ашыруда актуаль  сораулар» темасына республика семинары  уздырылды.  Семинарда заманча дәресләр һәм сыйныфтан тыш  чаралар күрсәтелде. 

Яңа стандартларның төп максаты - шәхес тәрбияләү, бәләкәйдән үк баланы шәхес итеп күрү, аның сәләтен күрә белү, аны үстерүдә ярдәм итү, иҗади баскычка күтәрү. Хәзерге заман укытучысы укучыга яңа материалны өйрәтеп, аңлатып кына калмый, ә унивирсаль  уку күнекмәләре формалаштырырга, проект эшчәнлегенең эксперты, җитәкчесе булырга  да тиеш. ФДББС кертү репродуктив укыту  алымнарын эзләнүле укыту алымына күчәргә, укучының үзбәясен күтәрергә ярдәм итә. Яңа стандартларга яраклы укытучы эш алымын үзгәртергә, психологик яктан яраклашырга тиеш.

Шул максатларга туры китереп  эшләр өчен бик күп көч, иҗади эшчәнлек таләп ителә. Бары тик башка мәктәпләр белән аралашып,  тәҗрибәләрең белән уртаклашкан вакытта гына тиешле дәрәҗәгә ирешеп була. Ә аның өчен иң кулай формаларның берсе – семинарлар!