25 гыйнвар көнне Карауҗа урта гомуми белем бирү мәктәбендә  “Дәресләр һәм сыйныфтан тыш чаралар үткәрү аша  укучыларда дөньяга экологи караш тәрбияләү” дигән тема астында муниципаль семинар- дәресләр фестивале булып үтте.  Районыбызның Бишнә, Раифа, Олы Ключи, Олы Яке,  Зеленодол шәһәренең  15 номерлы мәктәбе, шулай Биектау районы Мәмдәл урта мәктәбе фән укытучылары һәм сыйныф җитәкчеләре игътибарына  5-11 сыйныфлада ачык дәресләр,  башлангыч сыйныфларда                   “ Тереклек яшәрәгә тиеш “ дигән  тәрбия чарасы,  өлкән сыйныфлар тарафыннан әзерләнгән “Су- яшәү чыганагы” дип исемләнгән музыкаль композиция күрсәтелде.  Бу чараларның һәрберсе укучыларда табигатькә  сакчыл караш булдыруга юнәлтелгән иде. Әлеге семинарда район мәгариф идарәсенең  әйдәп баручы белгече Җәббаров Ирек Вазыйх улы да катнашты. Килгән кунаклар мәктәп укытучыларының          һәм укучыларының эшен югары бәяләделәр. Семинар һәр катнашучыда озакка җитәрлек  җылы тәэирләр калдырды.