Бүген бездә толерантлык көне узды. Бу көн үзара аңлашу, берләшү хисе максаты белән үткәрелде. Балалар белән презентация карау, тематик шөгыльләр, рәсем конкурсы, әңгәмәләр, иллюстрацияләр карау кебек чаралар үткәрелде. Балаларда төрле милләт вәкилләренең  культурасы белән танышу, аларга карата дустанә мөнәсәбәт, мәрхәмәт хисләре уяту иң туры юл дип саныйбыз.

Безнең "Чулпан" балалар бакчасында талантлы фантазиягә бай әти-әниләр барлыгы үткәрелгән экибаналар бәйгесеннән ачык күренә. Жюри билгеләгән тәртиптә бакчабызның мөдире Гөлнур Султановна грамоталар тапшырды:

1 урын - Миндубаева Гөлинә.

2 урын - Шарифзянов Роберт.

3 урын - Каримова Гөлзия.

4 урын - Галиев Ильшат.

5 урын - Гатауллина Дамирә.

Алда үткәреләчәк яңа конкурсларда әти - әниләребезнең актив катнашуын көтеп калабыз, аларга уңышлар телибез!

        Әле  кайчан  гына  иде  җәй  айлары

        Үтеп  бара  алтын  көзебез.

        Көзебезне  шулай  яратканга,

        Озатабыз  зурлап  үзебез.

        Тылсымлы  көз  агачларның

        Күлмәкләрен  салдыра.

        Алтын-сары  яфракларын

        Җир  өстенә   яудыра.

        Алтын  яфрак  ява  сукмакларга

        Ә  җил  аны  сөеп  иркәли.

        Бу  яфраклар  чын   алтыннан  микән

        Дия-дия  уйнап  киткәли.