Татарстанда 2012 ел тарихи-мәдәни мирасыбызны, телләрне саклау елы дип игълан ителгәннән соң безнең бакча педагоглар коллективы да бу эштән читтә калмадылар. Г.Тукай туган көне, Зеленодол шәһәренә 80 яшь тулу уңаенан шигърият кичәсе уздырылды. Бу кичәгә шәһәребезнең мәгариф бүлегеннән төп белгеч Рәйхан Абдулловна Мустафина, шәһәребездә билгеле булган шагыйрә Мәрьям Ситдикова, 5 нче гимназия укытучысы оста курайчы Вил абый, 4 нче, 7 нче балалар бакчасыннан татар теле тәрбиячеләре, шигърият белән кызыксынучы әти-әниләребез, балалар, бакчабыз тәрбиячеләре чакырылган иде. Кичә бик җылы, дустанә  атмосферада үтте. Чакырылган һәрбер кунакның әйтер сүзләре күп иде. Чөнки балаларга әдәп-әхлак, милли тәрбияне матур әдәбият, шигърият аша сеңдерү иң ансат, туры юлдыр.

                                  Кеше кайчан матур була?  Кеше матур була шул мәлдә -

                                  шигырь тыңлаган чагында уйга чума белгәдә.   

                                                                                             Ренат Харис сүзләре