Зеленодол шәһәре балалар бакчаларының татар төркемендә эшләүче һәм татар теле тәрбиячеләре "Казан Кремль" музей-тыюлыгына экскурсиягә бардылар. Тәрбиячеләр шулай ук Г.Тукай яшәгән, иҗат иткән истәлекле урыннарда да булдылар. Экскурсияне алып баручы Сәрия Зяляловна бик кызыклы, тулы, мәгънәле итеп борынгы Казан тарихын, шул чорда яшәгән халыклар тормышын мавыктыргыч итеп сөйләде. Быелгы елны Татарстанда тарихи-мәдәни мирасыбызны саклау елы дип игълан ителгән елда бу сәяхәт тәрбиячеләр өчен бигрәк тә актуаль, файдалы булды. Алар балалар белән эшләү өчен бик күп файдалы мәгълүмат тупладылар.