26нчы апрель  көнне без, 10нчы гимназия татар теле һәм әдәбияты укытучылары, укучылары мәркәзебез  Казанга бардык. Иң беренче татар халкының йөзек кашы булган сөекле шагыйребез  Габдулла Тукайга булган тирән хөрмәтебезне белдерү өчен, шигырь бәйрәменә юл тоттык.  Быелгы шигырь бәйрәмендә халыкның башка елларга караганда күп булуы безне чиксез шатландырды. Без үзебезнең халкыбыз өчен горурлык хисләре кичердек. Олы буын әдипләренә алмашка килерлек яшь  энергияләре ташып торган егет һәм кызларның әдәбиятка килүе шатлык өстенә шатлык өстәде. Укучыларыбызга күп күләмдә язучылар, шагыйрь, композиторлар, рәссамнәр күрсәтә алуыбыз белән без чын мәгънәсендә бәхетле идек. Күтәренке кәеф, рухи байлык алып, без туган шәһәребезгә кайттык.