Бүген Бишнә төп гомуми белем бирү мәктәбе инглиз теленнән бөтенроссия "British Buldog" конкурсына кушылды. Конкурста 3-9 сыйныф укучылары катнашты. 

Төгәл фәннәр атналыгы дәвам итә. Бүген математика һәм физика укытучысы Фәтхуллина Л.И. "Физик фокуслар дөньясында" дип аталган чара үткәрде. 5-9 сыйныфлар өчен кызыклы көндәлек физик фокуслар күрсәтте. 

Бүген, 10 декабрь көнне, инвалидлар декадасы уңаеннан рус теле һәм әдәбияты укытучысы Фәйзиева З.Ю. һәм физкультура укытучысы Фәйзиев М.М. үзенчәлекле "Җаны һәм тәне көчле кешеләр турында сөйләшик" дип аталган әдәби-спортив ачык дәрес күрсәтте. Дәрестә 5-9 сыйныф укучылары өчен паралимпик уеннар, бөек язучы Фәнис Яруллин һәм блогер Рөстәм Нәбиев турында файдалы мәгълумат сөйләнде. 

Төгәл фәннәр атналыгы уңаеннан Бишнә төп гомуми белем мәктәбендә тематик чаралар башланды. Бүген, 10 декабрь көнне, 1 һәм 3 сыйныф укучылары геометрик фигуралардан ясалаган аппликацияләр күргәзмәсен тәкъдим итте. 

Бүген, 9 декабрь көнне, Бишнә авылының Бөек Ватан сугышында катнашкан батырларыбызга куелган һәйкәлдә якташларыбыз Н.Н. Алтыновка һәм М.Е. Колчановка мемориль такталар ачу тантанасы узды. Бәйрәмдә Бишнә төп гомуми белем бирү мәктәбе укучылары, авыл җирлегендә яшәүче кешеләр катнашты. Батырлабызны онытмыйк! 

Бишнә төп гомуми белем бирү мәктәбендә театр атналыгы дәвам итә. Бүген башлангыч сыйныф укучылары үзләре әзерләгән спектакльләрен тәкъдим иттеләр. Балаларга киләчәктә тә иҗади уңышлар телибез!

Бүген безгә кунакка башлангыч сыйныф укучылары килде. Ләкин кунакка буш килмиләр, алар безгә күчтәнәчкә "Аюның туган көне" дгән әкият алып килгәннәр. Әкият балаларның күңеленә бик хуш килде. Аюның туган көненә килгән җәнлекләр белән бергәләшеп "Ак калач", "Самовар" һәм тагын күп төрле уеннар уйнадылар.

Бүген, 6 декабрь көнне, 1нче сыйныфларны укучылар сафына багышлау бәйрәме узды. Укучылар әти-әниләре, укытучылар һәм башлангыч сыйныф укучылары каршында чыгыш ясадылар. 1 нче сыйныф укучыларына уңышлар телибез! 

5 декабрь көнне "Интернет челтәрендә иминлек" темасына 5-9 сыйныфлар өчен бердәм класс сәгате булды. Бу дәреснең төп максаты булып балигъ булмаган балаларга интернет челтәрендә иминлек булдыру торды. Информатика укытучысы Фәтхуллина И.И. укучыларга интернет челтәрендәге информацион ярдәм күрсәтүләр, иминлек кагыйдәләре һәм шулай ук компьютер челтәрендәге куркынычлар турында сөйләде.

Бүген, 3 декабрь көнне, Бишнә төп гомуми белем бирү мәктәбенә талантлы Маликовлар гаиләсе укучыларга концерт оештырды. Бертуган Муса һәм Гайсә Маликовлар һәм Гүзәл Маликова укучыларны уен кораллары белән таныштырдылар, татар халык җырлары башкардылар һәм укучыларны үзләрен дә җырлаттылар.