Бөек Җиңүнең 75 һәм ТАССРның 100 еллыгы уңаеннан 14 нче февраль көнне Яшел Үзән районы Карауҗа урта мәктәбендә Республика күләмендә үткәрелә торган “Мин авылны сайлыйм!” дип исемләнгән фәнни – гамәли конференция булып узды. Бу чарада Әйшә урта мәктәбенең 5нче сыйныф укучылары Аглиуллина Азалия, Сәйфтдинова Аделина, 6нчы сыйныф укучылары Капитова Юлия, Нурахметова Есения (укытучы Зыятдинова Г.Р.), Галиуллина Ралинә (укытучы Минһаҗева Г.И.) белән 8нче сыйныф укучысы Сабирова Илүзә (укытучы Бачкова Э.В.) үзләренең иҗади һәм фәнни эшләре белән катнашты. Сабирова Илүзәнең “Авыл мәктәбендә милли музей эшчәнлегенең роле” дип исемләнгән фәнни эше жюри тарафыннан югары бәяләнде һәм аңа I урын билгеләнде. Чын күңелдән сине шушы җиңүең белән котлыйбыз! Калган укучылар катнашучы сертификаты белән бүләкләнде. Аларга алдагы иҗади эшләрендә зур уңышлар теләп калабыз.