Бәйрәмгә ерак араларны якын итеп, “Ялкын” журналы хезмәткәре Луиза Шарованың килүе ямь өстенә ямь бирде. Ул үзе дә шигырьләр язарга ярата, шуңа күрә укучыларга киңәшләрен бирде, иҗат белән дуслашырга өндәде, “Ялкын” журналының чын дуслары булуларын теләде. Укучылар бу бәйгегә  бик нык әзерләнеп килгәннәр. Алар арасында “кайнар көрәш” барды дип әйтсәм дә була.  Ниһаять, иң дулкынландыргыч вакыт җитте. Шигырь уку бәйгесенең нәтиҗәләре билгеле булды. “Иң сәләтле шигырь авторына” номинациясе:

-           Мөбәрәкшин Камил, 4 нче сыйныф, 17 нче гомуми төп белем бирү мәктәбе;

-          Гыйлаҗев Айрат, 8 нче сыйныф, Норлат мәктәбе;

-          Әсәдуллина Лилия, 10 нчы сыйныф, 10 нчы гимназия.

-          Иванова Ангелина, 10 нчы сыйныф (рус төркеме), Осиново бистәсенең  Карпов исемендәге мәктәбе.

“Иң оста сөйләүчегә” номинациясе:

-          Хәсәнҗанова Айгөл, 2 нче сыйныф, 3 нче номерлы Васильево мәктәбе;

-          Зәйнуллин Илназ, 5 нче сыйныф, 15 нче мәктәп;

-          Гыймадиев Илнар, 10 нчы сыйныф, Татар Танае мәктәбе.

“Яшь шагыйрьләр иҗатын өйрәнү” номинациясе:

-          Фәйзуллин Булат, 3 нче сыйныф,  3 нче номерлы Васильево мәктәбе;

-          Гарифуллин Марсель, 5 нче сыйныф, 9 нчы лицей;

-          Ибятов Динар, 9 нчы сыйныф, 15 нче сыйныф.

-          Гордеева Анастасия, 8 нче сыйныф (рус төркеме), 7 нче номерлы мәктәп.

   Яшел Үзән данын яклар өчен иң - иңнәр арасыннан тагын Гран – прига лаек укучы итеп, 1 нче лицейның 8 нче сыйныф укучысы Сафина Гөлия билгеләнде. Әйдәгез, аңа республикада үткәреләсе Шигырь бәйрәмендә уңышлар телик.

   Уңышка ирешкән укучылар мәгариф идарәсенең Мактау грамоталары белән бүләкләнделәр. Килгән кунаклар шушы бәйгене  югары дәрәҗәдә оештырганы өчен Әйшә урта мәктәбе директоры Зыятдинова Гөлнур Рәис кызына һәм бәйрәмне оештыручы һәм алып баручы милли укыту һәм тәрбия эше буенча директор урынбасарына  рәхмәт сүзләрен белдерделәр.

   Бәйгедә катнашкан   балалар бөек шагыйрьгә баш иеп, рухи азык туплап, күңелләрен баетып, тагын бер тапкыр туган телебезнең бөеклегенә  соклану мөмкинчелеге алдылар.