Ютазы районы лагерьларында балалар өчен  Россия көненә багышланган чаралар узды.

Балалар белән «Россия символлары»н танып-белү  уен программасы үткәрелде. Отрядларда   «Россия белгечләре», «Мин Россиядә яшим», «Россия – минем Туган илем», «Минем кече Ватаным» дип исемләнгән әңгәмәләр, викториналар, уен программалары оештырылды. Балалар безнең дәүләт символлары, Россия гербының һәм флагының барлыкка килүе һәм тарихы, флагның символик әһәмияте, туган як традицияләре турында белемнәрен тирәнәйтте. Балалар  шаблоннар буенча флагларны буядылар, ребуслар һәм кроссвордлар чиштеләр, «Ватан турында мәкальләр» мини-бәйгесендә, асфальтта рәсем бәйгесендә катнаштылар, «12 июнь – Россия көне»,«Шахмат турниры» үткәрделәр.