Безнең 4нче санлы Урыссу гомумитөп белем бирү мәктәбе “ Мин татарча сөйләшәм” акциясендә катнашып үзләренең татарча белемнәрен тикшерү һәм үз төбәкләрендә яшәүче төрле буын кешеләренең татар теленә карата мөнәсәбәтләрен ачыклау максатында төрле һөнәр ияләре белән очраштылар. Очрашуларда бары татар телендә генә сөйләшергә тырыштылар. Акциядә рус телле балалар да катнашты. Төрле һөнәр ияләре белән очрашу өчен эш урыннарына бардылар. Район китапханәсе, почта бүлекчәсе, даруханә, кибет хезмәткәрләре янында булып, татарча сорулар бирделәр. Сорауларга татарча җавап ишетү дә укучылар өчен кызыклы булды.

         Акция чорында гаилә әгъзалары белән дә бары татар телендә аралашырга тырыштылар. Чөнки татар телен саклауда гаиләнең татар теленә карашы зур йогынты ясый.

         Акциядә катнашу укучылар өчен бик кызыклы булды. Алар татар телен нигезле өйрәнүне үзләренә максат итеп куйдылар.

         (Укучылар сәяхәте белән интернетта танышырга мөмкин).

4 нче санлы Урыссу гомуми төп белем бирү мәктәбенең

татар теле Һәм әдәбияты укытучысы Шәрипова Г.М.