12 май Кече Урыссуы мәдәният йортында татар халкының борыңгы йолаларының берсе "Бәби туе" күрсәтелде. Бу чарага районның мәдәният йорты җитәкчеләре һәм мәдәният йорты хезмәткәрләре килде.

Без Кече Урыссуы "Ләйсән" балалар бакчасы коллективы Бөек җиңүнең 72 еллыгына багышланган митингта катнаштык. Балалар беренчеләрдән булып ветераннарыбыз Йосыпов Мәгъдәнур һәм Сәитов Мәсъгут  бабайларны, тыл ветераннарын зур Җиңү бәйрәме белән котлады. Авылыбызның иң кечкенә буыны шигырьләр сөйләде, җыр җырлады. Кунакларга Созвездие җиңүчеләре башкаруындагы "Девушки фабричные" көенә башкарылган бию ошады. Бәйрәм азагында балалар ветераннарыбыз белән истәлеккә фотога төште. Һәйкәлгә чәчәкләр куелды.

Очрашу сый белән тулы чәй табыны янында дәвам итте. Нәсимә әби үзенең чәен дә эчәргә онытып, һәр баланы үзенең тәмлүшкәләре белән сыйлады.

Реализация проекта "Сады Победы"

Дөньяны яктыртып,

Кояшлы Май килә.

Йөзләрне балкытып,

Урамда Май көлә!

Һәммәбез сагынып

Көттек Май килүне-

Китерә ул безгә

Иң Бөек Җиңүне!

Бүген бакчабызда "Г.Тукай иҗаты" проектын йомгаклап бәйрәм чарасы үтте. Чара Ташкичү авылы мәдәният йорты һәм китапханә эшчеләре белән берлектә оештырылды. Бәйрәмдә балалар шагыйрьнең шигырьләрен сөйләделәр, "Кызыклы шәкерт", "Бала белән күбәләк" шигырләрен сәхнәләштерделәр, әкияттән кунакка килгән Шүрәле, Су анасы, Сарык, Кәҗә белән уеннар уйнадылар, табышмаклар чиштеләр. Бәйрәм тамашасын карарга мәктәпнең 4 сыйныф укучылар да чакырылган иде. Чара "Туган тел" җыры белән тәмамланды.

Илсөяр апалары балаларны Габдулла Тукайның китапханәдәге китаплары белән таныштырды. 

Г.Тукай һәйкәленә чәчкәләр куелды.

Бүген, 26 апрель көнне,  бөек шагыйребез Габдулла Тукайның туган көне.