8  В сыйныф( җитәкчесе Гыйльмиева Г.Г.) 24 нче ноябрь көнне әниләр белән Тинчурин исемендәге драма һәм комедия театрында булдылар һәм татарча "Кияүләр"спектаклен карадылар. Музыка һәм биюләр күп булган бу ялкынлы комедиядә көлке һәм кызыклы тарихлар аша җитди нәрсәләр турында сөйләнелә.

7 «Б» сыйныф  укучылары (Резеда Айдарона класс җитәкчесе)   Республика  «Самостоятельные дети» (алкоголь, табак, наркотик каршы ) проектында актив катнаша. 20.11 «Сәләмәт әни- сәләмәт бала» акциясенда катнаштылар. Алар Филармония паркында, ТЦ Казан-молл яшь кызлар белән викторина үткәрделәр, бер көнлек  15 контракт яздырттылар. катнашкан өчен  сары ленталар бүләк итеп тараттылар.

8 нче сыйныф укучысы Исмәгыйлева Илдананы бадминтон буенча ярышларда уңышлы чыгыш ясавы белән котлыйбыз.Илдана өч төрле категориядә: «Татарстан Республикасы шәхси кубогы»бадминтон буенча республика ярышларында ялгыз , парлы һәм катнаш категорияләрдә 2 урынны алды Шулай ук «ак Барс-канат кубогы» бадминтон буенча Бөтенроссия ярышларында катнаш разрядта 2 урынны , шәхси һәм парлы разрядта 3 урынны яулады .Укучыбыз белән горурланабыз!

16  нчы ноябрь көнне «КИУ»  базасында унынчы  халыкара «Географик диктант» язулары булып узды. Бу чарада  безнең укучылар да читтә калмады. 11 нче сыйныф укучылары Березовская Д, Захаров С, Сибагатуллина А, Халилова Л, Фатихова М,  география укытучысы Рахимова З.З.җитәкчелегендә үз белемнәрен сынап карадылар. Барлык катнашучыларга сертификат тапшырылды.

10 нчы ноябрь көнне Казан шәһәренең «Сәләтле балалар үзәгендә»  «Без булдырабыз» республика ачык олимпиадасы узды. Бу олимпиадада 2 В сыйныфы укучылары бик актив катнаштылар. Хөсәенова Камилә - җиңүче, Денисова Амалия, Низамеева Мәдинә, Кадырова Саминалар призёр булдылар. Сыйныф җитәкчесе Мөбарәкшина Ләйсән Гаптелхәмитовнага һәм олимпиадада катнашкан укучыларга киләчәктә дә  уңышлар телибез.

11 нче ноябрь көнне гимназиянең Ахатовлар гаиләсе "Без тарихта эзлебез" республика бәйгесенең муниципаль этабында җиңу яулады. Аларга зона этабында да уңышлар телибез.

2 В сыйныфы укучысы Насибуллин Мурат, Казан шәһәренең «Сәләтле балалар үзәге» оештырган «Исәпләү магистры» («Магистр счёта») республика ачык олимпиадасында катнашып, җиңүче булды. Муратка һәм сыйныф җитәкчесе Мубаракшина Ләйсән Гаптелхәмитовнага киләчәктә дә зур уңышлар телибез.

8, 9, 10 ноябрь көннәрендә бөтен дөнья буйлап сибелгән татарлар һәм татар теленә битараф булмаган башка милләт вәкилләре – олысы, кечесе татарча диктант яза.

Татар телендә хатасыз язарга өйрәнү, туган телгә игътибар җәлеп итү, ана телендә сөйләшүчеләр санын арттыру максатыннан оештырылган әлеге чарада безнең гимназия укучылары һәм укытучылары да катнашты. Барлыгы гимназия кысаларында 60тан артык кеше татарча диктант язды.

Диктант өчен Шәриф Камалның «Матур туганда» романыннан өзек тәкъдим ителде. Катлаулы дәрәҗәдә әлеге диктанты язу катнашучылар өчен тагын да кызыклы булгандыр дип ышанып калабыз.  Дөньякүләм акциядә катнашу өчен рәхмәтебезне белдерәбез.

9 - нчы ноябрь көнне шәһәр күләм  28 - нче проект уены «Тат - Рус» булып узды. Бу кызыклы һәм мавыктыргыч уенда география укытучысы Рахимова З.З. белэн берлектә 11- нче сыйныф укучылары:  Аккузина  А, Ибниева  Д, Зиятдинов Н, Шамаева  Д үзләренең белемнәрен сынадылар.

Казан федераль университетында математика фәненнән старт олимпиадалары узды. Олимпиада җиңүчеләре-Халиков А., 6 А, призерлары- Шамгунов Д., 8 В,Халиков Т., 8 В. (укытучыГыйльмиева Г. Г.) Укучыларыбызны котлыйбыз һәм киләчәктә дә уңышлар телибез.