Өлкәннәр көне белән сезне, кадерле ветераннарыбыз! Ныклы сәламәтлек, чиксез шатлык, тыныч матур тормыш телибез сезгә!. Без сезнең белән горурланабыз, сездән үрнәк алабыз!

27 сентябрьдә Биектау район үзәгендә Йөгерүче көне уздырылды. Безнең коллективтан Йөгерүче көнендә бакчабызның мөдире Шамилә Тәуфийк кызы, Шарипова Райхана, Мингазова Альбина, Галимзянова Ләйсән, Халитова Алсу катнаштылар.

   “Гөлчәчәк” балалар бакчасының  30 яшь

Игелекле эшләр эстафетасын “Шәфкатьлелек визиты” акциясе дәвам итте.Суфия апага матур кәгазьдән ясалган чәчәк, Надирга тәмле күчтәнәчләр бүләк иттек.

Балаларны республикабызның гербы, әләме гимны һәм президенты Рөстәм Миңнеханов белән таныштырдык. Республикабызның башкаласы Казан турында сөйләдек.

10 сентябрьдә республикабызда“Спорт сөюче Татарстан” дигән спорт һәм физкультура-сәламәтләндерү чаралары оештырылды. Бакчабызда “Сәламәтлек көне” үткәрдек. Балалар эстафета уеннары уйнадылар, йөгерделәр, төрле спорт җиһазлары белән күнегүләр ясадылар. Бу чарада төп игътибарны балаларның сәламәтлекләрен ныгытуга һәм спорт белән шөгыльләнүгә кызыксыну уятуга бирдек.

 “Табигатьне саклап калыйк!”
Атна балаларны табигатьне саклау эшчәнлегенә җәлеп итәргә тиешле Бөтенроссия экология дәресеннән башланды. Зурлар төркемендә 7 сентябрьдә “Табигатьне саклап калыйк!” дигән экология шөгыле уздырдык. Эшчәнлек барышында балаларның урман турында күзаллауларын киңәйтүне, урманда үз-үзеңне ничек тотарга икәнен җиткерүне максат итеп куйдык.

1 сентябрь көнне "Мин талантлы" акциясе кысаларында зурлар төркемендә "Талантлылар иленә сәяхәт" дигән ачык чара уздырылды. Бу чарага авылыбызның күренекле кешеләре : МЧС ветераны Фәхерттинов Рәфыйк һәм кул эшләре остасы Хасанова Люция - кунак булып килделәр.