Апрель – май айларында әйләнә – тирәне чүп-чардан арындыру буенча өмәләр оештырыла.  Безнең мәктәп укучылары һәм укытучылары да әлеге эштән читтә калмыйча, мәктәп яны территориясен җыештырдылар. Үз эшеңнең уңай нәтиҗәсен күрү нинди рәхәт!!!

Район күләмендә “Янгын куркынычсызлыгы” дип аталган конкурс нәтиҗәләре буенча  мәктәбебезнең  9 нчы сыйныф укучысы Сафина Зөһрәнең эше “Плакат” номинациясендә 1 нче урынга лаек булды. КОТЛЫЙБЫЗ!!!

22 нче апрель көнне безнең мәктәптә хакимият башлыгы олимпиадасының 4 нче этабы үтте. Барлык укучылар да актив катнаштылар.

19 нчы апрель көнне Олы Битаман мәктәбендә авылдашыбыз – 1 нче Бөтенсоюз спартакиадасы чемпионы Шәйдулла Хәйруллин истәлегенә һәм самбо, дзюдо буенча халыкара класслы спорт остасы Нәфыйк Әхмәди улы Мәдъяров призына көрәш буенча Биектау районы беренчелеге булып узды. 17 команда арасында Олы Битаман, Алан Бәксәр һәм Суксу мәктәпләре командалары мактаулы 1, 2, 3 нче урыннарны яуладылар. Җиңүчеләрне тәбрик итәбез!!!

11 нче апрель көнне "Юный программист" бәйгесенең муниципаль туры узды. Район укучылары төрле номинацияләрдә үзләре ясаган бик кызыклы һәм мавыктыргыч продуктларын күрсәттеләр.

УКУЧЫЛАРЫБЫЗ УҢЫШЫ

• Багавиева Айсылу район күләмендә рус теле фәненнән үткәрелгән олимпиадада БЕРЕНЧЕ УРЫННЫ яулап республика турына үтте.

Март башында район мәктәпләре хоккей командалары арасында ярышлар уздырылды. Безнең мәктәп командасы үткәрелгән ике уенда да җиңеп БЕРЕНЧЕЛЕККӘ чыкты.

Кадерле әниләребезне котлап мәктәптә бик күркәм кичә оештырылды. Балалар Туфан Миңнуллинның "Әниләр һәм бәбиләр" спектакленнән өзек куйдылар. Кичәгә килә алмаган әниләр бу спектакльне медиатека бүлегендә карый алалар.

Һәр елдагыча быел да мәктәптә Аҗаган уены үткәрелде. Балалар бик теләп барлык уеннарда да актив катнаштылар. Фотоларын мәктәп сайтында медиатека бүлегендә карый аласыз.

Ватанны саклаучылар көне уңаеннан, мәктәптә әтиләр өчен бөйрәм үткәрелде.