Бүген Шәтке урта мәктәбенең туган тел укытучысы Габделхәева Р.Х. 7 сыйныф укучылары белән якташ язучылар темасына әдәби сәгать үткәрде. Дәрестә укучылар, туган авылларыннан чыккан язучылар белән беррәттән, Теләче төбәгеннән чыккан күренекле шәхесләр һәм каләм ияләре белән дә таныштылар. Бигрәк тә, 1 мартта үзенең 85 яшьлек юбилеен билгеләп үтүче Нурислам Хәсәновның иҗатына ныграк тукталып үтте укытучы. Аның әсәрләрендәге геройларның үзебезнең авыл кешеләре икәнлегенә басым ясады. Кайбер укучылар үзләренең туганнары турындагы язмаларны укырга дип китапларын да сорап алдылар. Әдәби сәгать укучылар өчен бик кызыклы һәм файдалы үтте. Укучылар да дәрестән канәгать калдылар.