Яшь парларның язылышуын, яңа туган сабыйны теркәү, шул ук вакытта аерылышу һәм адәм баласының үлемен теркәү кәгазен дә гражданлык хәле актларын теркәү бүлеге  аша кулга алабыз. Агымдагы елда ЗАГС хезмәте үзенең 100 еллык юбилеен билгеләп үтәчәк. Шул уңайдан,  Иске Җөри урта мәктәптәбенең хезмәт һәм ял лагерына йөрүче укучылар белән гражданлык хәле актларын язу бүлегенә экскурсиягә бардык. Әлеге  бүлекнең җитәкчесе  Әнисә Хатиповна укучылар өчен экскурсия үткәрде һәм  “Гаилә – тормыш нигезе” дигән темага чыгыш ясады, укучыларны кызыксындырган сорауларга җавап бирде. Очрашу барышында укучылар  күп кенә яңа мәгълүмат алдылар. Шундый кирәкле, файдалы очрашу оештырганнары өчен ЗАГС бүлеге хезмәткәрләренә зур рәхмәт!//  Служба ЗАГС в текущем году отметит свой 100-летний юбилей. В связи с этим для учеников  Старозюринской средней школы была организована экскурсия  в отдел записи актов гражданского состояния. Руководитель ЗАГСа Аниса Хатиповна провела экскурсию, выступил с докладом и ответила на интересующие вопросы учащихся. В ходе встречи учащиеся получили много новой информации.