22 нче апрель көнне мәктәп театры "Карусель"гә йөрүче балалар  (җитәкче Мубинова Г.Г.) башлангыч сыйныф укучылары белән бергә, бөек татар шагыйре Габдулла Тукайның тууына 140 ел тулу уңаеннан, Туган тел атналыгы кысаларында "Г. Тукай әкиятләре илендә кунакта" дигән мавыктыргыч дәрестән тыш чара үткәрделәр. Балалар зур кызыксыну белән шагыйрьнең иҗаты белән таныштылар. Башта алар Г.Тукайның «Кызыклы шәкерт» дигән шигырен укыдылар, ул хезмәт сөючәнлеккә өйрәтә: башлаган эшеңне ахырына җиткерү һәм кыенлыклардан курыкмау мөһим. Аннары балалар мавыгып иҗат эшенә керештеләр: "Шүрәле"әкиятенең төп герое  Шүрәлене кәгазьдән ясадылар. Бу эшне башкару бик кызык та, күңелле дә булды, вак моторика һәм фантазияне үстерергә ярдәм итте.Аннары чарада катнашучылар тагын бер шигъри әсәргә - "Су анасы"әкиятенә мөрәҗәгать иттеләр. 
     Чара җылы һәм иҗади атмосферада узды, укучыларны Г.Тукай мирасы белән таныштырып, онытылмас тәэсирләр бүләк итте.