Яз җитү белән урманнарда язгы янгыннар саны арта, аларның төп сәбәбе табигатьтә кешеләрнең гамьсезлеге, коры үлән яндыру, ут белән сак эш итмәү, учакларны сүндермичә калдыру һәм балаларның шырпы белән шаяртулары. Янгынга бәйле гадәттән тыш хәлләрне кисәтүгә юнәлдерелгән янгын куркынычсызлыгы чараларын көчәйтү максатыннан, янгын куркынычсызлыгы буенча инспекторлар  Олы Нырсы урта мәктәбе укучылары белән мәгълүмати-профилактик әңгәмә үткәрделәр. Әңгәмә барышында язгы янгын куркынычы чоры кысаларында янгын куркынычсызлыгы мәсьәләләренә кагылдылар. Шулай ук янгын чыкканда үз-үзеңне тоту кагыйдәләре белән таныштырдылар һәм ашыгыч ярдәм күрсәтү телефоннарын искә төшерделәр. Әңгәмә ахырында барысына да янгын тематикасына листовкалар һәм белешмәләр тапшырдылар. Мондый чараларны үткәрү гадәттән тыш хәлләр килеп чыгу куркынычын киметергә, җаваплылык дәрәҗәсен күтәрергә, тормыш эшчәнлегендә куркынычсыз шартлар тудырырга ярдәм итә.