28 нче февральдә Казан янындагы "Регина" санаториясендә рус әдәбиятыннан олимпиаданың республика туры узды.8 нче сыйныфтан Гатина А. һәм 11 нче сыйныфтан Мусина Д. бу бәйгедә призлы урын яуладылар. Безнең укучылар тагын бер тапкыр үзләренең белемле булуларын расладылар. Мәктәп укучылары Республикада 3 призлы урын яуладылар. Укучыларга һәм аларның укытучылары Валиева Л.М. га дирекция исеменнән рәхмәт белдерәбез.

Хәрби-патриотик айлыкны йомгаклап, мәктәптә "Аҗаган" уены узды. Укучылардан җыелма команда куст ярышларында икенче урынны яулады. Мәктәптә 5-10 сыйныф укучылары көч сынашты. 8, 6 нчы сыйныфлар әзерлекләре һәм оешканлыклары белән аерылып тордылар.  Барлык сыйныф укучылары да  ярышка җаваплы караганнар. Нәтиҗәләр буенча мәктәп дирекциясенеңмактау грамоталары тапшырылды.

11 нче сыйныф укучысы Мусина Д. үзенең белемле булуын тагын бер тапкыр раслады. 13 февральдә татар әдәбиятыннан олимпиаданың республика этабы узды.Диана җиңүчеләр рәтендә. Укучыбызны һәм аның укытучысы Авзалова Нәзилә Фәннүр кызын бу зур җиңү белән котлыйбыз!

Бөек шагыйрь Муса Җәлилнең тууына 110 ел тулуга һәм "Әфганчылар көне" уңаеннан 6 - 7 нче сыйныф укучылары арасында белемнәр бәйгесе узды.Бу ярышта "Җәлилчеләр" командасы җиңү яулады.

Бу елны "Чаңгы юлы - 2016" чарасы шагыйрь Муса Җәлилнең тууына 110 ел тулуга багышлап үткәрелде. Балалар, укытучылар бердәм булып чаңгыга бастылар. Мылтыктан төз ату буенча ярыш үткәрелде. Һәркем көченнән килгәнчә тырышты.

12.02.2016. Тарих һәм җәмгыять белеме укытучысы Габдуллина А.Р. җитәкчелегендә мәктәптә "Парламент дәресе" узды.  Презентация барышында укучылар "Законнар кайда кабул ителә?" дигән сорауга җавап эзләделәр. Викторина ярдәмендә белемнәрен тикшерделәр.

Семинарда башлангыч сыйныф укытучылары Шайхаттарова И.М., Галиева Р.Р., Вәҗиева И.М. ачык дәресләр үткәрделәр. Бөек язучыбыбыз Муса Җәлилнең тууына 110 ел тулуга багышланган әдәби-музыкаль кичә күрсәттеләр.

1.01.2016. 5-8 нче класс укучыларының җыелма командасы "Математик бой" уенынында читтән торып катнашты. Мәсьәләләр бик  авыр тоелса да, команда вәкилләре зур тырышлык куеп, бердәм булып эшләделәр.

"Татарстанның ел укытучысы - 2016" бәйгесе старт алды.Татар теле һәм әдәбияты укытучысы Авзалова Н.Ф. бу бәйгенең 1 нче этабында катнашты. "Әйтелмәгән васыять" әсәрендә куелган проблемалар бүген дә актуаль. Укытучы балалар алдына куйган сораулар бөтен кешене дә уйландырырлык иде. Якташ язучыларыбызга багышланган мастер-класс проект эшчәнлегенә укучычларны җәлеп итүгә багышланган иде.

Мәктәпнең гомуми линейкасында олимпиадаларда җиңүче укучыларга район Мәгариф бүлегенең мактау грамоталары тапшырылды.Быел укучылар 19 призлы урын яулады. Күпләре район данын республика күләмендә яклаячак. Укучыларга уңышлар телибез.