Бөек Җиңүнең 70 еллыгына карата эшләр дәвам итә. Укучылар даими рәвештә сугыш чоры балаларына, тыл хезмәтчәннәренә хуҗалык эшләрендә ярдәм итәләр.

Сегодня в школе состоялась торжественная линейка, посвященная ко Дню полного снятия Блокады Ленинграда. Учитель начальных классов Миннуллина Ф. Ф. подготовила  выступление. Также, сегодня по школе было объявлено о начале месячника патриотической и оборонно – массовой работы.

Кышкы каникулдан соң укулар башланды.

Рәсем укытучысы Миннуллина Ф. Ф. "Кыш бабай, безнең  якын дус бабай!" дип исемләнгән рәсем конкурсы уздырды. Кыш бабайны һәр укучы үзенчә сурәтләде. Балаларның рәсемнәреннән аларның Кыш бабайны никадәр яратулары күренә. 

Музыка укытучысы Нафигина Н.Г. Яңа ел җырларына конкурс уздырды. Конкурска һәр укучы үзе яраткан яңа ел җыры әзерләгән иде. Жюрига иң-иңнәрне билгеләү җиңел булмады. Шулай да алар бәяне гадел куярга тырыштылар. Катнашучылар барысы да бүләкләр алды.

Каникул көннәрендә дә мәктәптә эш туктап тормый. Бүген балалар укытучылары Шәйхетдинова Ф. Ф. белән бергә саф һавада төрле уеннар уйнадылар, чаңгыда узыштылар. 

30 декабрьдә Зур Әтрәч мәдәният йортында "Хуш киләсең, Яңа ел!" дип исемләнгән тамаша булды. Анда авыл үзешчәннәре белән беррәттән укучылар һәм укытучылар да чыгыш ясады. Бәйрәмнән һәркем канәгать калды.

29 нчы декабрьдә мәктәбебездә Яңа ел тамашасы  узды. Вакыйга "аэропорт"та барды. Һава торышы начар булу сәбәпле барлык рейслар да тоткарланды һәм пассажирлар яңа ел төнен аэропортта үткәрергә мәҗбүр булды.  Тамаша бик эчтәлекле һәм күңелле үтте. Бәйрәмнән соң һәр укучы  Яңа Ел буләкләре алды. 

27 нче декабрьдә мәктәп укучылары Кече Әтрәч авылында "Яңа ел тамашасы" күрсәттеләр. Укучыларның һәр чыгышы көчле алкышларга күмелде. Тамашадан соң мәдәният йорты директоры һәр балага бүләкләр тапшырды.

Мәктәп янында кар фигуралары да ясап куйдык. Кыш бабай белән Кар кызы килүгә барысы да әзер.