20 сентябрьдә "Балаларның иминлеген саклау" һәм "Граңданнарны яклау" айлыкларына нәтиҗәләр ясалды. Айлыклар барышында куркынычсызлык почмаклары яңартылды. "Сак бул-ут!", "Урамнар һәм юллар", "Юл билгеләре ни сөйли?", "Мәктәптә һәм өйдә янгын вакытында үзеңне ничек тотарга?" дип исемләнгән класс сәгатләре үтте.

 Авыл китапханәсендә "Экстремизмга - юк!" дип исемләнгән чара үтте. Бу чараны авыл китапханәчесе Хөсәенова Ләйлә Минхазиповна оештырды. Чарада 8-10 сыйныф укучылары, класс җитәкчеләре, авылда яшәүче төрле милләт вәкилләре катнашты.

ТИН укытучысы Гәләветдинов Рөстәм Рәшитович ата-аналар җыелышында "Көндәлек тормышта балаларны куркынычлардан саклау" дигән темага чыгыш ясады.

15 сентябрьдә "Балалар куркынычсызлыгы көне" үткәрелде. Чара табигатьтә үтте. Төрле ярышлар оештырылды: компас ярдәмендә горизонт якларын билгеләү, канат ярдәмендә елгадан чыгу, каршылыкларны үтү, беренче ярдәм крсәтү.

27 апрель көнне мәктәбебездә район күләмендә үткәрелгән "Үткән сугыш кайтавазы" дип исемләнгән җыр фестивале булып узды. Фестиваль Бөек Җиңүнең 67 еллыгына багышланды. Барлыгы 16 мәктәп, 70 тән артык укучы катнашты. Бу чарага әзерлек ай дәвамында барды. Һәр класста класс сәгатьләре үткәрелде, класс почмакларына конкурс игъан ителде. Авылдашлар белән видеосюжетлар төшерелде. Фестивальгә сугыш чоры балалары, тыл хезмәткәрләре чакырылды.  Кунаклар арасында район мәгариф бүлегенең төп белгече Игъламова Альфира Фоатовна, Ямбакты авыл җирлеге башлыгы Гафуров Ринат Канифуллович та бар иде.