Бәйрәмчә бизәлгән залда укучыларның җыр - биюләре, шигырьләре  белән үрелеп барган бик матур кичә, җиңүчеләрне тәбрикләү тантанасы узды. Конференциядә катнашкан укучыларның А.Алишның туганнары: Яр Чаллы  социаль педагогик технологияләр һәм ресурслар институтының доценты, п.ф.к. Илдар Абдуллаевич Алишев, Фәридә Галимҗан кызы Алишева, Алишның Алмаз исемле улының хатыны- Фаина Александровна Алишева, Гөлшат һәм  Азат Сөнкишевлар белән аралашу мөмкинлеге дә булды.

 Тантанада Казан шәһәре Мәгариф идарәсенең методика бүлеге методисты Р.К.Зиннатуллин, академик Х.Й. Миңнегулов, балалар язучысы, Абдулла Алиш исемендәге премия иясе Й.Ә. Шәрәпова, шагыйрә Ф.Ә. Мөслимова, ТР ның Мәгарифне үстерү институты мөгаллимнәре Г.В.Һадиева,Г.Н.Мөхәрләмова, КФУ ның доценты, ф.ф.к Р.М.Болгарова,  ТР ның Аксакаллар шурасы рәисе  һәм Бөтендөнья Татар гаиләсе оешмасы әгъзалары да катнашты.

  Кичә ахырында конференцияне  оештыручы, сценарий авторы, К.Насыйри исемендәге  премия лауреаты, 20 нче гимназия директоры  Рәхимә Арсланова чарада катнашучы укучыларга, аларның укытучыларына, оештыручыларга,  килгән кунакларга һәм чараны алып баручы “ Дәрвишләр” Балалар иҗат үзәгенең бүлек мөдире  Антонова Ләйсән  белән  Музыка көллияте студенты Гаязов Нәфискә педагогик коллектив  исеменнән олы рәхмәтен белдерде.