Флера Әнәс кызы очрашуга  бик күп төрле кул эшләре алып, өстенә  үзе теккән  чигүле  искиткеч милли костюм киеп килгән иде. Ул  олы яшьтә булуына карамастан, көр күңелле  кызыклы әңгәмәдәш булып чыкты. Флера апа  балаларга мастер класс, фотосурәтләр һәм  үзенең кул эшләреннән төзелгән китаплар да күрсәтте. Укучылар дизайнерны кызыксынып тыңлыдылар,аның хезмәт җимешләрен үз куллары белән тотып , милли күлмәкләр кигән курчаклар белән уйнап та карадылар. Балалар  Флера апага күптөрле сораулар бирделәр һәм аның белән фотога    төштеләр.  Иң мөһиме, балаларда шушы төр кул эше белән шөгыльләнү теләге туды. Бу  соңгы очрашу булмас, Флера апа безне дә үзе белгән һөнәргә өйрәтергә сүз  бирде.Рәхмәт Сезгә, Флера апа. Без милли йолаларыбызны,гореф-гадәтләребезне генә түгел, ә  татар халкының  милли орнаментларын, бизәкләрен  танырга, сакларга һәм киләчәк буынга җиткерергә, балаларыбызны кул эшләренә  өйрәтергә  тиеш.