27нче ноябрьдә  гимназиянең зур  актлар  залында  Әниләр көненә багышланган " Әни,әнкәй,әнием"исемле  бәйге узды.  Әниләр " Визитка"," Сәләт"," Яраткан шөгылем" ," Аш-су"  кебек ярышларда  үз осталыкларын,сәләтләрен  күрсәттеләр.Чара   җыр-биюләр белән  үрелеп барды. Укучылар   әниләре өчен җан атып утырдылар, үзләре дә сәхнәгә менеп, аларга чыгыш ясарга ярдәм иттеләр. Бәйге ахырында бер әни дә бүләксез калмады. Гран-При 3"Б" сыйныфын яклап чыгыш ясаучы Фирдия Феликсовнага бирелде, 1 урынны 9 "А" сыйныфын яклап чыгыш ясаучы Шарапова Рүзилә яулады, 2нче урынны ике сыйныф: 6 "Б" сыйныфыннан Горохова Наталья һәм 9 "Б" сыйныфыннан Нигъмәтҗанова Эльвира бүлештеләр, 3нче урынга 1 "Б" сыйныфыннан Захарова Алия лаек булды. Башка катнашучылар 3 "А" сыйныфыннан Сафиуллина Лилия, 5 "А" сыйныфыннан Хәйдәрова Гөлүсә һәм 4 "А" сыйныфыннан Фаттахова Гөлшат төрле номинацияләрдә җиңүче дип танылдылар.   Чара чәй  өстәле янында тәмамланды. Әниләр, балалары  белән, үзләре  пешергән тәмле ризыкларны  мактап,  рәхәтләнеп чәй эчтеләр һәм бик канәгать булып  таралыштылар.