Татарстан Республикасында Гаилә елы уңаеннан, гаилә һәм мәктәп арасындагы мөнәсәбәтләрне ныгыту, гаиләдә бергәләп китап уку культурасын, бала һәм ата-аналарны тәрбияләүдә китапханәнең рухи-әхлакый үзәк буларак ролен арттыру максатыннан 2024 елның 15 ноябрендә лицей китапханәсендә «Пар канатларым – әти-әниемнең китап турында истәлекләре» дигән чара узды. Кичәдә лицейның татар телендә аралашучы 1-4 сыйныф укучылары һәм аларның әниләре, лицей җитәкчеләре, укытучылары катнашты. Очрашуда китапка кызыксынуның, укуга карашның, туган телгә мәхәббәтнең иң беренче гаиләдә тәрбияләнүе хакында мәгълүмат бирелде.