19 мая к нам в гости пришли ребята из ГАОУ СПО «Казанский радиомеханический колледж». Для учащихся 9-х классов и их родителей они показали музыкальный коллаж, познакомив нас  таким образом с профессиями, которые можно получить в колледже.

12нче май көнне безнең гимназиягә ТНВдан балаларыбызны төшерергә килделәр. Беренче сыйныф укучылары укытучы апалары  Биктаһирова Руфия Фаяз кызы, Сәйфуллина Ләйсән Илдар кызы белән “Ач, шигърият, серләреңне ” дигән тапшыруга тырышып, Шәүкәт Галиев шигырьләрен сөйләргә өйрәнделәр. Татар балалары әзерләнә башлагач, рус төркемендә укучы балалар да рәсем ясап, шигырьләр сайлап килгәннәр. Алар белән бергә, өченче сыйныф укучылары да тапшыруда катнашырга теләк белдерде. Мондый балаларга каршы килеп буламени? Без балаларыбыз белән горурланабыз! Аларга иҗади уңышлар телибез! Афәрин, балалар!

Син яшендәй балкып яшьнәдең дә

Йолдыз булып күккә атылдың

Һәм, онытылмас моңлы сазы булып,

Йөрәгендә калдың халкыңның...

“Театр – кеше күңеленә турыдан –туры юл салучы сәнгать, һәм ул халык тормышыннанбашка яши алмый. Милли театр бигрәк тә.”

                                                                                                                                                                                           М. Сәлимҗанов, 1996ел

Г.Кариев исемендәге яшьләр театры артистлары үзләренә тартып тора. Аларның спектакльләрен карарга укучыларыбыз ашкына. Г.Тукай айлыгында да 25нче апрельда театрга барырга булдык.  “Печән базары” дигән спектакль балаларның күңелләренә ятышлы булды. Бу алар өчен тагын бер мәртәбә бөек шагыйребезнең тормышы һәм иҗаты турында белгәннәрен тирәнрәк аңларга ярдәм итте.  6-7нче сыйныф укучылары спектакльны яратып кайттылар.

23нче апрель көнне гимназиябез спортчылар делегациясен кабул итте. Башка төбәкләрдән килгән кунакларга Сабантуйның нинди бәйрәм икәнлеген аңлатырга туры килде. Бәйрәмнең тарихы белән таныштырып, татар халкы өчен мөһимлеген аңлатканнан соң, укучылар, татар теле һәм әдәбияты укытучылары тарафыннан концерт оештырылды. Бәйрәм күңелле һәм кунакларыбызның исләрендә калырлык булды.

23 нче апрель көнне татар теле һәм әдәбияты укытучылары бергәләп Г.Кариев исемендәге яшьләр театрына бардылар. Без “Казан ятиме” дигән спектакль карадык. Сәхнәдә декорацияләр бик аз булды, әмма режисер гади генә урындыкларны да ничек кулланып була алганын курсәтте. Актерларның уйнаулары безне бөтенләй дә тынсыз калдырды. Спектакль бик мәгънәле, эчтәлекле булды. Бу спектакльны караган кешеләр ятимнәргә карата беркайчан да битараф кала алмас дигән нәтиҗәгә килдек....

22нче апрель көнне  Дәрвишләр бистәсендә “Без Тукай оныклары” дигән конкурста 1нче сыйныф укучысы Әхмәтҗанова Ралинә катнашырга булды. Укытучысы Биктаһирова Руфия Фаяз кызы белән җырларга, үзе турында сөйләргә, Абдулла Алиш тормышын һәм иҗатын ныклап өйрәнде. Ралинә туган телен, шигырьләр сөйләргә бик ярата. Бу мәхаббәтне аңа дәү әнисе Зөлфия апа тәрбияләгән. Укытучы апасы да бу мәхәббәтне сүндермәс өчен күп көч сала.

Ралинә  үзен чын Тукай оныгы икәнен раслады. Ул II нче урынны яулап дипломга лаек булды. Афәрин, Ралинә!

21нче апрель көнне  абыйлары, апалары карап, тәкъдим иткән “Алмачуар” спектакленә 3нче сыйныф укучылары барырга теләк белдерде. Караган спектакль балаларга нык тәэсир итте. Артистларның уйнауларын, декорацияләрен ошатып кайттылар. Без Г.Кариев исемендәге яшьләр театры артистларына рәхмәтебезне белдерәбез. Киләчәктә дә элемтәне өзмәскә тырышырбыз.