Әлифба китабы һәр баланы белемгә илтүче юл башы.  Мәктәбебездә шул уңайдан башлангыч класс укучылары өчен зур бәйрәм узды. 1 нче класс укучылары үзләренең белем һәм һөнәрләрен күрсәттеләр. Барысы да матур, дөрес  итеп укый- яза, шигырьләр сөйли, җырлый, табышмакларга җаваплар таба беләләр. Бәйрәмгә әкият геройлары да кунак булып килгәннәр иде. 

13 нче февраль көнне мәктәпкә Сарман киночелтәреннән график буенча кино күрсәтергә килделәр. Анда борынгы Болгар турында документаль фильм күрсәтелде. Ә соңыннан наркомания афәте турында нәфис фильм куелды.

Бөек Җиңугә 70 ел тулу уңаеннан безнең мәктәптә дә бик куп чаралар уткәрелә. Тыл hәм сугыш ветераннары белән очрашулар, музейларга экскурсияләр, класс сәгатьләре h.б. Мәсәлән, 5 нче февраль көнне герой-шагыйрь Муса Җәлилнең көрәштәше, авылдашыбыз Зиннәт Хәсәнов музеена экскурсия оештырдык. 

Мәктәп- бала өчен икенче туган йорт, ә укыткан укытучы- икенче әни. Шуңа да ел саен  мәктәптә традицион студентлар кичәсе уза. Быел да, 30 нчы январь көнне үзебезнең  мәктәптә белем алган балалар,  мәктәпне һәм яраткан укытучыларын сагынып,  Иске Кәшер мәктәбенә җыелдылар. Кичәне оештыручы һәм бик кызыклы итеп алып баручылар  11 нче сыйныф укучылары Шарифуллина Ландыш һәм Сәхәбиева Зилә булды. 

2015 нче елның 24 нче гыйнварында Сарман муниципаль районы Җәлил №2 мәктәбендә 1997-99, 2001-2002 һәм аннан да яшьрәк булган егетләр һәм кызлар арасында укучылар Спартакиадасы кысаларында  шахмат ярышлары узды.

Бу ярышларда безнең мәктәптән 3 егет һәм 3 кыз катнашты. Алар команда беренчелегендә 4 нче урынны алды.

Шәхси зачетта 1997-99 елгы кызлар арасында Шайдуллина Гүзәлия 2 нче урынга, ә 2002 елгы һәм яшьрәкләр арасында Мортазина Язилә 3 нче урынга лаек булды.

Безнең мәктәп 4 нче ел инде 4 нче урынны алып килә. Команда зачетына үз өлешләрен керткән укучылар: Гимадиев Айдар, Шайдуллина Гүзәлия, Мортазина Язилә, Миннегулов Данил, Хамитова Ләйсән, Мортазин Ильшат. 

Безнең мәктәпнең “Немезида” отряды, конкурслардан тыш, көндәлек тормышта да актив эшчәнлек алып бара. Тәртип бозучылар һәм начар укучы балалар белән профилактик эш үткәрә. Бу эшчәнлек укучыларда хокукый культураны үстерергә ярдәм итә.

17 нче февралҗ көнне башлангыч класс укучылары Зиннәт Хәсәнов һәйкәленә экскурсия оештырдылар.  Кыш көне булганлыктан, һәйкәлгә керә торган юлны кар каплаган иде. Алар батыр якташыбыз истәлегенә салынган һәйкәлнең тирәсен кардан чистарттылар. Саф һавада эшләү балалар өчен бик күңелле өәм файдалы  булды.

Безнең мәктәпнең тәҗрибә участогы республика смотр конкурсында катнашты һәм эзләнү- тикшерү эшләре буенча яхшы уңышлары өчен Фән һәм Мәгариф министрының дипломы белән бүләкләнде. Тәҗрибә участогы җитәкчесе Аглиева Раушания Изаиловнаны бу җиңүе белән котлыйбыз. Алга таба да уңышлар телибез!

17 нче сентябрьдән 5 нче ноябрьгә кадәр “Кулланучылар хокукларын яклау” темасына Республика Олимпиадасы үтте. Ул 3 этаптан торды: тест эшләү, эссе конкурсы һәм эңгәмә. Безнең укучы Шайдуллина Гузәлия “Актив катнашу өчен” номинациясендә призер булды. 18 нче декабрь көнне Иске Кәшер урта мәктәбенә ТР  Госалкогольинспекциясенең Нижнекамск территориаль органы хезмәткәрләре килде. Алар Гүзәлиягә диплом һәм кыйммәтле бүләкләр тапшырдылар. Без үзебезнең укучыбызны котлыйбыз һәм алга таба да зур уңышлар теләп калабыз!

ПОЗДРАВЛЯЕМ! На  Первенстве Сармановского района по татаро- башкирской спортивной борьбе «Курэш» на призы Деда Мороза среди учащихся района Муртазин Ильшат занял – 1 ое место.  Молодец!!!!!!!