Бүген мәктәптә пенсионный фондтан килеп аңлатулар уздырдылар.

6 апрель көнне 1- 11 класслар өчен "Девочка ищет отца" исемле кино күрсәттеләр. Кино бик эчтәлекле булды.

Татнефть "Рухият" фонды "Сандугач сайрар илем" балалар иҗатының төбәк фестивалендә катнашып, 10 класс укучысы Фарукшин Булат "Литературное творчество" номинациясендә җиңеп, III дәрәҗә диплом һәм акчалата бүләкләнде. Җитәкчесе Фарукшина Әминә.

1 нче апрель көнне Саклау- Баш урта мәктәбе укытучылары Мөслим картлар йортына барып, кулларыннан килгән кадәр ярдәм күрсәтеп кайттылар.

Мәктәптә кошлар көне мәктәп яны тәҗрибә участогында карга ояларын күзәтеп үтте.

31 нче март көнне мәктәптә ата- аналар җыелышы булды. Район мәгариф бүлегеннән Саетгараева Раушания Камиловна килгән иде. Ул үзенең чыгышында имтиханнарны бирү тәртибе, былтыргы нәтиҗәләр белән танштырды. җыелышка әти- әниләр белән беррәттән 9, 11 класс укучылары да килде.

Мәктәп укучылары төрле конкурсларда теләп катнашалар. Федераль "Страна талантов" Бөтенроссия конкурсында катнашучылар дипломнар , I- урынны алучылар дипломнар һәм истәлекле бүләкләр белән бүләкләнде.

Безнең мәктәп укучылары бигрәк уңганнар, булганнар. Шулай икәнен бүген тагын бер кат исбатладылар. Авыл мәктәпләре арасында түгел, Сарман мәктәпләре арасында ОППН ярышында көч сынашып,19 балл белән икенче урынга чыктылар,  Сарман гимназиясе 20 балл белән беренче урында булдылар. Молодцы балалар, куркып калмадыгыз, үзегезне күрсәттегез. Без сезнең белән горурланабыз.

9 нчы класслар имтиханнарны яхшы гына тапшырып, укуны кайда дәвам итәргә булачагын уйлап йөргән көннәр. Шушы уңайдан мәктәбебезгә Минзәлә авыл хуҗалыгы көллиятеннән укытучылар килделәр. Укучыларга бик күп мөмкинлекләр барлыгын, анда укыганнан соң югары уку йортларында укуны дәвам итәргә мөмкин булачагын аңлаттылар.

Мәктәптә эвакуацион өйрәнүләр үтте. Әзерлек 50 секундка сыешты.