«Юл иминлеге» атналыгы кысаларында файдалы очрашу .

Урамда транспорт хәрәкәте үсеше балалар иминлеген саклау ихтияҗын көннән көн арттыра. Балалар үз тормышларын саклый белергә тиеш.Моның өчен иминлек кагыйдәләрен үтәү зарур.Юлда йөргәндә игтибарлылыкны киметмәскә күнектерү әһәмиятле. Балалар бакчаларында бу максаттан төрле чаралар файдаланыла.Уен,шөгыл,ярышлардан тыш экскурсияләр,конкурслар һ.б.үткәрелә. 28 сентябрьдә « Кояшкай» балалар бакчасында , «Юл иминлеге» атналыгы     уңаеннан да , бик  эчтәлекле мероприятия үткәрелде. Юл хәрәкәте иминлеге хезмәткәре А.И.Мифтахов һәм Юл иминлеге программаларын финанслау дирекциясенең Сарман бүлеге җитәкчесе А.Р.Ситдикова катнашындагы бу чарада , балалар  җитезлекләрен генә түгел юл иминлеге кагыйдәләрен белүләрен дә күрсәттеләр.Белемнәрен урамда кулланып «Җәяүле» юлыннан барып , светофор белән танышып кайттылар. Килгән кунаклардан бүләккә яктырткыч беләзекләр,өстәл уеннары,китаплар алып  шатландылар.Балалар  Юл хәрәкәте кагыйдәләрен үтәү әһәмиятен гаиләләрендә  дә сөйләргә ышандырдылар.