"Сәламәт бул!" -2018 Бөтендөнья  сәламәтлек көненә багышланган Бөтенроссия акциясе. Акция кысаларында мәктәптә тематик дәресләр узды,  "Сәламәт мин-сәламәт Россия!" видеофильмнары күрсәтелде.

"Сәламәт бул!" Бөтенроссия акциясе кысаларында,   мәктәптә  укучыларның  Сәламәт Яшәү Рәвешенә  (ЗОЖ) бәйле сораулар буенча мәгълүматларын  арттыруга юнәлдерелгән   уен узды.

Бөтенроссия туберкулезга каршы көрәш көненә багышланган чаралар кысаларында мәктәптә "Туберкулез һәм аның профилактикасы" мәгълүмати стенды яңартылды.Анда нәрсә ул туберкулез, аны йоктыру юллары, билгеләре, нәрсәләр организмның саклагыч көчләрен киметә ала,әлеге авырудан ничек сакланырга, туберкулезны дәвалап буламы кебек сорауларга мәгълүматлар яктыртылды.

Мәктәптә "Сәламәтлекне ничек сакларга" рәсем бәйгесе уза.

Талант ул-кыйммәтле бүләк, диләр. Һәр бала - үзе бер дөнья.Берәүләр - җырларга һәм биергә ярата,икенчеләре-агач эшен, рәсем ясауны һәм иҗат итүне үз итә. Һәр бала үзенчә талантлы, ә талантсыз балалар булмый! Бүген безнең мәктәптә "Минута славы"  дип аталган иҗади бәйге үтте. Барлык җиңүчеләрне һәм катнашучыларны котлыйбыз!

Мәктәп линейкасы вакытында ярышлар, бәйгеләр һәм чараларга нәтиҗәләр ясалды. "Мәрхәмәтлелек атнасы- яхшы эш -гамәлләр эстафетасы" кысаларында  "Яхшылык бүләк ит!" хәйрия акциясенең иң актив катнашучылары 1 нче сыйныф укучылары булды. Шулай ук баскетбол ярышында мәктәп данын яклаучы кызлар командасы Сарман районы беренчелегендә 3 нче урынны, ә  мәктәпнең хокук бозуларны кисәтү отряды муниципаль  бәйгедә икенче урынны яуладыла

Хокук бозуларны профилактикалау отрядлары арасында үткәрелгән муниципаль бәйгедә безнең мәктәп командасы 2 нче урынны алды. Котлыйбыз! Бу укучылар мәктәптә актив эшчәнлек алып баралар. Алар начар гадәтләрне профилактикалау өчен җавап бирәләр, яшьтәшләре арасында хокук белемнәрен пропагандалау үткәрәләр, сәламәтлекне саклау, сәламәт яшәү рәвеше алып бару, хокук бозуларны кисәтү , көнкүрештә, урамда, җәмгыятьтә үз-үзеңне тоту буенча профилактик чаралар алып баралар