Бүген   башлангыч   сыйныф   укучылары   үзләренең   әниләрен   һәм   әбиләрен   иң  матур  бәйрәмнәрнең   берсе  булган   “Әниләр   көне”   белән    котлап, иң   матур   җыр  һәм  биюләрен   бүләк   иттеләр.

Иң   кадерле, иң хөрмәтле

Булсын җирдә  әниләр.

Әниләрне  кадерләсәк,

Тыныч  булыр  ил-көннәр.

Мәктәбебездә   "Әниләр  көне"нә  карата   5 - 9  нчы  сыйныф  укучылары  катнашында   бәйрәм  концерты  узды.  

  17 ноября  стартовал  новый проект – Республиканское  родительское интернет-собрание. Первая  встреча  экспертов и родителей  прошла  на  сайте  Казанского  инновационного  университета   имени  В.Г. Тимирясова  по адресу: https://ieml.ru/. Темой  первого  заседания  стала тема  адаптации ребёнка  к  школе и  мотивации  его к  обучению.

   Бүген   барлык  сыйныф  укучылары   өчен  дә “Толерантлык  нәрсә  ул ?”  дип  исемләнгән   ачык  класс  сәгате  үткәрелде. Аны  5 нче сыйныф  класс  җитәкчесе  Фатихова  Л.М. үткәрде. Ул  укучыларны  толерантлык  төшенчәсе  белән  таныштырды, бер-береңә  ярдәм  кулы  сузу, дус  һәм  тату  яшәү  серләренә  төшендерде.

Бүген  4, 6 , 8 нче  сыйныф   укучылары   инглиз   теленнән   мониторинг  тикшерү  эше  эшләделәр.

      08   ноябрь  көнне   Кәүҗияк  авыл  җирлегенең   участок  инспекторы   Талипов   Айдар  Валерьевич   мәктәптә  югары  сыйныф   укучылары   белән  очрашты.  Ул   укучыларны   җәмәгать   урыннарында , кичтән  урамда  үз-үзеңне   тоту , сәгать  22 .00  дән  дә   калмыйча   өйдә  булу  кебек   тәртип   кагыйдәләре  белән  таныштырды.  

   26  нчы  октябрь  көнне   Татарстан  Республикасы  Конституциясенең   25  еллык   тарихына  багышланган   парламент  дәресе  узды.

      20  нче  октябрь   көнне  мәктәбебездә  “Көзге  бал”   кичәсе   үтте. 5-9  нчы  сыйныф  укучылары   ике  командага   бүленеп,  тапкырлыкта,  җитезлектә  һәм  осталыкта   көч  сынаштылар. Конкурслар  арасында   укучылар  көз  турында  шигырьләр  сөйләделәр, җырлар  җырладылар, мәктәп  тормышы турында  миниатюралар  күрсәттеләр. Кичә  күмәк   бию  белән  тәмамланды.

     4  һәм  5 нче  сыйныф  укучылары  башлангыч сыйныф  укытучысы  Фахрисламова  Зилә  Фатих  кызы  җитәкчелегендә   рус  халык  “Башак” әкиятен  сәхнәләштерделәр.

    Бүген  район  педагог-психологы Габидуллина Фәйрүзә  Хәмит кызы тарафыннан 1 нче сыйныф укучыларының  мәктәпкә  әзерлек  дәрәҗәсе тикшерелде, 9 нчы сыйныф укучыларына   дәүләт имтиханнарына  әзерләнү  буенча  психологик  ярдәм  күрсәтелде  һәм  калган сыйныф  укучыларына  психологик  тренинглар  үткәрелде.