5 октябрь - Халыкара укытучылар көне.  Бик күп һөнәр ияләре бәйрәмнәрен белмибез дә, белгәннәре дә онытыла. Ләкин Укытучылар көне - онытылмый торган бәйрәм. Чөнки һәркем укучы булган, һәркемнең укытучысы бар. Шушы хөрмәтле кешеләребезне зурлап Кәүҗияк төп гомуми белем бирү мәктәбе укучылары концерт куйдылар. 

    Хөрмәтле укытучылар! Һөнәри бәйрәмегез- укытучылар көне уңаеннан иң җылы котлауларны кабул итеп алыгыз! Тормышка рухи фатиха биргән укытучыбызның исеме һәркайсыбызга  кадерле. Аның сүзләре авыр минуттларда җылыта, алга барырга көч бирә. Гадел билгеләр куйганы, кызыклы дәресләр, яхшы киңәшләр биргәне, кайгыртуы һәм аңлавы өчен укытучысына рәхмәт әйтә алган кеше  бәхетле.

     Укучылар "Кросс наций 2014" спорт бәйрәмендә катнаштылар.

         Бүген Кәүҗияк мәктәбендә ГАИ хезмәткәре Гәрәев Р.Р. белән очрашу үтте. Ул укучыларга юлда сак йөрү кагыйдәләрен аңлатты. Соңыннан укучылар үзләрен кызыксындырган сорауларны бирделәр. 

    Мәктәптә "Финанс грамоталыгы көне" үткәрелде. Фатихов Ш.М. барлык укучыларга да аңларлык итеп сөйләде.

     Пожар куркынычсызлыгы кагыйдәләрен үтәүне тикшерү максатыннан тревога ясалды. Барлык укучылар һәм укытучылар тәп һәм запас ишекләрдән тышка чыктылар һәм махсус җирдә тезелделәр. Эвакуация буенча җитәкче Шакирова Ф.С. өйрәнүләр тиз һәм дөрес үткәрелде дип билгеләп үтте.

      "Минем кече Ватаным"  исеме астында мәктәптә ачык класс сәгате узды. Аны тарих укытучысы Сәхбетдинов Р.М. үткәрде. Ул балаларга 

үзебезнең туган як тарихы турында сөйләде. Укучылар үзләренең кече Ватаннары турында бик күп кызыклы мәгълумат белделәр.

      1 сентябрь - Белем бәйрәме Кәүҗияк төп гомумбелем мәктәбендә бик матур узды. Укучыларны яңа уку елы белән мәктәп директоры Шакирова Ф.С., җирле үзидарә рәисе Әхмәтгәрәев Ф.Н., район администрациясеннән Яхин М.Р., ветеран укытучылар, әти-әниләр котлады. Укучыларның чыгышы да һәр кешегә ошады.

Мәктәп яны тәҗрибә участогы