Сәламәтлек атналыгын тәмамлап бакчабызда спорт уеннары уйналды.

Шатлыклар - күңелебездә, 

Ал кояш - күгебездә

Килегез, дуслар, кунакка,

Спорт бәйрәме бүген бездә!

Бигрәк шаян инде без,

Тик тормыйбыз бер дә без.

Кулларны күтәрәбез,

Аннары төшерәбез.

Безнең  бакчабыз егетләре  Файзрахманов  Рамил һәм Давлетшин  Илмазлар,  Хидиятуллин Айрат абыйлары җитәкләгән көрәш түгәрәгенә йөреп, көрәшчеләр булырга әзерләнәләр.

Ник безгә дә көрәшмәскә,

Мәйдан тотмаска әле.

Көрәшик, әйдә , бергәләп,

Бүген бит спорт бәйрәме.

                                          Радик!

Котлы булсын туган көнең,

Күзләреңдә нурлар сүнмәсен.

Бүгенгедәй, шат елмайган   йөзең,

Кайгы чаткылары күрмәсен.

                        Син яшәгән гүзәл җирдә

                        Гел аяз булсын күгең.

                       Бәхетле балачак , озын гомер

                       Телибез сиңа бүген!

Бу атна сәламәтлекне саклау атналыгы. Шул уңайдан безнең балалар бакчасында  авылыбыз фельдшеры Давлетгараева Динара катнашында  " Сәламәт бала - сәламәт гаиләдә" дигән кичә үткәрелде. Кичәнең максаты: саулыкның матур гомер итү өчен иң мөһим шарт икәнлеге турында тәрбия бирү . Балалар кичәдә презентация карадылар , саулык турындагы мәкальләр белән таныштылар.

  Быел ягъни 2013 ел   “Экология елы”  дип игълан ителде. Безнең , балаларыбызның сәламәтлеге, иминлеге турыдан – туры әйләнә – тирә мохиткә бәйле бит. Ләкин табигать кешеләрнең саксызлыгы, ваемсызлыгы нәтиҗәсендә елдан – ел пычрана бара. Табигатьне, аның байлыкларын саклауның фәкать үзебезгә генә бәйле  булуын тоеп яшик һәм авылыбызны яшел оҗмахка әйләндерүдә мөмкин булганнарның барын да эшләргә тырышыйк!.

                               Туган  авылым  матур табигатьле

                               Урамнары яшел чирәмле.

                               Яңа йортлар карый киләчәккә,

                               Яшәүләре  монда и ямьле.

Бүген бакчабызда  башлангыч мәктәп укучылары белән берлектә "Белем бәйрәме"  гөрләп узды. Килгән кунаклар ,әти- әниләр балаларны яңа уку елы башлану белән котладылар. Киләчәктә дә тырышып укып ,илебезгә файдалы кешеләр булып үсүләрен теләделәр. Бездә сезне балалар яңа уку елы белән чын күңелебездән котлыйбыз .Сезгә исәнлек - саулык , корычтай нык сәламәтлек телибез.

Сентябрь дә килеп җитте

Сагынып көткән көннәр

Бәйрәмгә дип үстердем мин

Өй түребездә гөлләр.