Ике кәрҗин алып кулга,
Киттем әле урманга.
Акбайны да мин иярттем,
Миңа ул дус булганга.
Йөри торгач урман буйлап,
Килеп чыктым аланга.
Гөмбәләрнең ниндие юк,
Шаккаттым күп булганга.

Гел уйныйбыз узышлы,
Бу уен бик кызыклы.
Уен шарты бер генә —
Тизрәк йөгерә бел генә!

Яфраклары яшел ак каенның,
Хәтфә җәйгән кебек һәр ягы.
Әйлән-бәйлән уйный яшь балалар,
Гөрләп тора һәр көн тау ягы.

Бакчада барысы бар!                                                                                                                                  

Тик менә юк таулар,                                                                                                                                

Елгалар, урманнар,

Зур йортлар, урамнар.

Ә кирәк булганда,

Ясыйбыз урамнар,

Ямь-яшел урманнар,

Төлкеләр, куяннар...

Бик оста без аңар,

Бездә бар буяулар:

Ак, кызыл, ал, зәнгәр,

Сарылар, яшелләр...

Ясыйбыз дәфтәргә

Бик матур рәсемнәр

О проведении тестового опроса в рамках апробации системы оценки гражданами качества оказания услуг организациями социальной сферы