Юлда булсаң бул өлгер,юл кагыйдәсен нык бел!-дигән девиз астында балалар бакчасында тәрбия чарасы булып узды.Балалар үзләренең белемнәрен ныгыттылар, юл йөрү кагыйдәләрен искә төшереп,төрле сорауларга җавап бирделәр.Районнан килгән кунаклар белән берлектә сорауларга җавап бирделәр һәм истәлекле бүләкләр белән бүләкләнделәр.

Буген барлык мәктәпләрдә Соңгы кыңгырау кичәсе булып узды.Әлеге кичәдә безнең балалар бакчасыннан 8 бала катнашты.Әлеге балалар яңа уку елында укырга керәләр.Аларга тырышып укырга,әти-әниләрне, укытучыларны тыңлап акыллы, белемле балалар булуларын теләп калабыз.

Усеп килүче яшь буынны барлау, җырга, биюгә мәхәббәт уяту, матуп сөйләм телен камилләштерү максатыннан, 17 нче май көнне безнең балалар бакчасының бер төркем яшь артистлары Шыңар  балалар бакчасында булып узган "Талантлар иле-2014" конкурсының зона этабында катнашып зур уңышларга ирештеләр.Балалар грамота һәм истәлекле бүләкләр белән бүләкләнделәр.

Әлеге атналык " Сәламәт тәндә-сәламәт акыл" дип исемләнгән девиз астында утте.Буген балалар бакчасында төркемнәр арасында спорт ярышлары үткәрелде.Безнең максат:Балаларда спорт уеннары белән кызыксыну формалаштыру,сәламәтлекләренә карата игътибарлылык тәрбияләү.Әлеге чарада барлык балалар да актив катнаштылар, саф һавада рәхәтләнеп күңел ачтылар.

Бердәм экологик дәрес уңаеннан безнең балалар бакчасында алма, чия агачлары, карлыган куаклары утыртылды.Балалар әлеге тәрбияви чарада бик актив катнаштылар. Һәр бала өйгә кайткач әти-әниләр белән агач утыртабыз дип таралыштылар.

Безнең бакча коллективы,балаларыбыз әлеге дөнья күләм истәлекле бәйрәм-Җиңү көне митингында катнашты.Бар кешегә исәнлек-саулык телибез.Сугыш афәте кабатланмасын,илләребез тыныч булсын, балаларның йөзләрендә гел шатлык кына балкысын.Бәйрәм белән!

Бүген балалар бакчасында Габдулла Тукай иҗатына багышланган иртә булып узды.Атна дәвамында балаларны Тукай иҗаты белән таныштырылды, әсәрләре тыңланды һәм әкиятләре буенча рәсем күргәзмәсе оештырылды. Урта һәм өлкән төркем балалары тарафыннан оештырылган җырлы-биюле тамаша бик матур үтте.

Балаларга галәм турында һәм кояш системасы турында белем бирү максатыннан балалар бакчасында "Космоска юл"-рәсем, аппликация бәйгесе булып узды.Һәр бала үз фантазиясен эшкә җигеп,үзенчәлекле рәсемнәр ясадылар.

Балаларның өлкәннәр хезмәте, аларның һөнәрләре турында белемнәрен киңәйтү максатыннан, балалар бакчасында эшләп лаеклы ялга чыккан апаларны кунакка чакырдык.Балалар үзләренең берсеннән-берсе матур чыгышлары белән апаларыбызның күңелләрен күтәрделәр.Килгән кунакларыбыз ял итеп, биредә эшләгән елларын искә төшереп, бер-берсе белән аралашып таралыштылар.Аларга алдагы тормышларында саулык, тынычлык, озын гомер телибез!

Бүгенге көн балалар бакчасында бик күңелле узды. Балалар кошлар оясы рәсеме ясадылар һәм әлеге рәсемнәргә конкурс оештырылды.Ә инде  атналыкның йомгаклау өлеше булып саф һавада  карга боткасы пешерү, калган ботканы кошларга ашату булды.Балалар рәхәтләнеп ял иттеләр, күңел ачтылар.