24, 25, 26 нчы апрель көннәрендә макулатура җыйнау үткәрелде. Балаларыбыз, хезмәткәрләребез тарафыннан барлыгы 226 кг. макулатура җыйнап тапшырылды.

"Экояз 2017" конкурсы кысаларында балалар бакчасында "Агач утырт һәм сакла!" акциясе үткәрелде. Әти-әни, әби-бабай, балалар һәм хезмәткәрләр катнашында бакча территориясенә 85 төп агач утыртылды. Балалар бакчасы коллективы исеменнән акциядә катнашкан барлык кешегә зур рәхмәт белдерәбез. Утырткан агачларыбыз үзебезгә куаныч, шатлык китерсен, тирә якка ямь таратсын! 

Бүген Җир шарында зур бәйрәм – Җир көне. Бәйрәм белән, сезнең барыгызны! Җир шарының барлык кешеләренә, тереклек ияләренә нык сәламәтлек, чиста һава, аяз күк йөзе телим.

Куанып хозурда йөргәндә

Карурман куенына кергәндә,

Беркемнең каргышын алма син,

Күбәләк тә елап калмасын...

Сак бул син, сабыем, сак бул син,

Саклый күр табигать баласын.

Онытма, туган җир бер генә,

Кадерләрен аның бел генә...

Дәвала аның һәр ярасын,

Бүген безнең бакчабызда тирә-як мөһитне чүп-чардан чистарту буенча экологик өмә уздырылды.

"Я за мир на дорогах" дип аталучы район балалар рәсем бәйгесендә "Я сам, я сама!" номинациясендә беренче урынны алган Хантимирова Алисә бүләкләнде.

Алисә, сине җиңүең белән котлыйбыз! Алга таба тагын да зур уңышларга ирешүеңне телибез.

Без синең белән горурланабыз!

Бүген безнең бакчабызда шигырь бәйрәме үткәрелде. 

Әле укый белмәсәк тә,

«Туган тел»не җырлыйбыз.

Бу — Тукай абый бүләге,

Иң гүзәл бер җыр дибез..

Әкиятләрен сөйләп, тыңлап,

Телләребез ачыла.

«Су анасы», «Шүрәле»ләр —

Безнең дуслар барсы да.

балалар бакчасында дәүләт контроль органы МЧС ның Татарстан Республикасы  Саба һәм Теләче муниципаль районнары буенча районара күзәтчелек итү идарәсенең планлаштырылган тикшерүе кысаларында, балаларны һәм хезмәткәрләрне пожар һәм башка куркынычлар булган очракларда эвакуацияләү буенча өйрәнүләр һәм шулай ук Галимуллин А.Р. тарафыннан хезмәткәрләргә инструктажлар үткәрелде.