Мәктәптә ничә еллар эшләсә дә, дәрәҗәле исемнәргә ия булса да,балаларга белем һәм тәрбия бирүче һәр укытучы 5 елга бер тапкыр курсларга барырга тиеш. Бу эш- тәҗрибәсен уртаклашу, башкаларның эшен күзәтү һәм бәяләү, өйрәнү өчен дә кирәк.

    Шәмәрдән лицее укытучылары да белем күтәрү курсларына даими баралар. Октябрь аенда тарих укытучылары Галиуллина Э.И., ХамзинаА.М. курсларда булдылар. Курслар теоретик, практик эшчәнлекне үз эченә  алды. Казан шәһәренең № 126, №8 гимназиясе базаларында укучыларны ГИА, ЕГЭга әзерләү тәҗрибәсен уртаклашуга  юнәлдерелгән иде.Тарих, җәмгыять белеме дәреслекләрен бастыручы “Дрофа”, “Вентана-граф”, “Русское слово” нәшриятләре икенче буын стандартларына дәреслекләр тәкъдим иттеләр. Укытучылар аларга үз теләк, таләпләрен җиткерде.  Курсларда узган һәр көн, лекцияләр киләчәк эш өчен файдалы, кирәкле булачак. Укучыларга белем, тәрбия бирүдә бу яңалыклар ярдәм итәр дип ышанабыз.

22 октябрь көнне Килдебәк урта мәктәбендә  укучылар арасында мини-футбол буенча район беренчелеге үтте. Район ярышында укучы кызлар арасында Шәмәрдән лицее командасы I  урынга,  егетләр арасында  II урынга лаек булдылар.  Командалар мактау грамоталары һәм акчалата премия белән бүләкләнделәр. Кызлар командасы район данын Республиканың зона ярышында яклаячаклар. Аларга уңышлар телибез!

19 октябрь көнне Шәмәрдән лицеенда  мини футбол ярышы булды. Монда 6 мәктәп укучылары катнашты: Курсабаш, Явлаштау, Шекше, Эзмә, Иштуган. I урынны Шәмәрдән лицее кызлары һәм малайлар командасы  алды. Шекше мәктәбенең  кызлар командасы  II урын алды.  Котлыйбыз! Алдагы сынауда да уңышлар телибез!         

     "Аҗаган" хәрби-спорт уенының республика этабы Казан шәһәрендә булып үтте. Безнең мәктәп укучылары да укытучылары Вәлиуллин Д. М. белән әлеге чарага бик ныклап әзерләнде. Яшь патриотлар төрле турда сынау үттеләр: чын хәрби хезмәттәгечә каршылыклар полосасын үтү, автомат сүтеп-җыю, сорауларга җаваплар бирү һәм башка биремнәрдә актив катнаштылар. Үзләренең көчләрен спортта, зирәклектә, стройда басып тору, стройда йөрү, төз ату буенча сынадылар. Галямутдинова Язилә медицина буенча II урын, разведчик Васильев Динар II урын, төз атучы Сәйфетдинов Аскар III урын, “Азбука морзе” турында Биктимиров Рамил II урын алдылар. Уналты район арасында лицей командасы алтынчы урынга лаек булдылар.

18 сентябрь көнне  5 сыйныф укучыларының “Көзге бал” бәйрәме булып узды. “Көзге бал” бәйрәме “Көзге яфрак” конкурсы белән башланды. Барлык класслар да бик тырышып әзерләнде. Иң матур, оригиналь яфрак ясаучы 5б, 5г сыйныф укучылары булды. Сыйныфлар ясалган яфраклар белән актлар залы бизәлде. Икенче конкурс “Көзге фантазия” монда укучылар музакаль номерлар күрсәтте. Бөтен сыйныфлар да бик тырышып һәм көзге темага туры килгән номерлар әзерләгән иделәр. Ахыргы конкур “Көзге бүләк”. Һәр сыйныф укучылары көзге бүләкне жюри составына аңлатып бирде. Ахырда жюри барлык катнашучыларга грамота тапшырды. “Көзге бал” бик күңелле үтте.

                              Лицейда көз фасылына карата бәйрәмнәр башланып китте. Бүген “Могҗизалы яшелчәләр” конкурсына йомгак ясалды. Монда башлангыч класс укучылары катнашып, үзләренең осталыкларын күрсәттеләр. Алар үзләренең фантазияләренә нигезләнеп, яшелчәләрдән көзге композицияләр, букетлар, җәнлекләрне бик үзенчәлекле итеп ясаганнар.  Әлбәттә, аларга урыннар да билгеләнде. Шулай ук "Көзге бал" бәйрәмен  үткәрергә әзерлек эшләре алып барыла.

Замана  елдан - ел катлаулана бара. Тәмәке тарту, эчүчелек, наркомания кешелекнең тамырына балта чаба. Ихтыяр көче, тәвәкәллек, намуслылык, хезмәт сөючәнлек, җаваплылык хисләре тоеп үсү, белемгә тартылу максатыннан, бүген 11нче класс укучылары наркоманиягә каршы төрле чаралар күрсәтте. Чөнки наркомания - илебез, милләтебез иминлегенә куркыныч янаган афәт. Алар наркотикларның организмга китергән зыяны турында күп мәгълүмат әзерләгәннәр. Барысының максаты шул: кечкенәдән яраткан шөгылеңне булдырырга, спорт, музыка, сәнгать, хезмәт белән шөгыльләнергә. Безгә наркотиклар кирәкми, чөнки безнең яшисебез, бәхетле буласыбыз килә, диләр алар.

     Бүген тәрбия сәгате 9нчы класс укучылары белән актлар залында үтте. Тәрбия сәгатенең уңышлы ягы шул булды: алар үзләре тәмәкенең организмга күпме зыян салуы турында күп мәгълүмат туплап, тәмәкегә каршы төрле чаралар әзерләгән иде. Кечкенә скетчлар, шигырьләр, җырлар укучыларга йогынты ясамый калмагандыр. Тәмәке белән бергә тартучы да яна, дигән бит халык мәкале дә.

Бүген, 12 октябрьдә, 5-8 сыйныфларның сыйныф сәгатьләре актлар залында узды. Бу җыелышка Шәмәрдән шифаханәсе педиатры Галимзянова Наҗия Ахмадулловна килде. Наҗия Ахмадулловна укучыларга дөрес туклану, ОРЗ авыруына каршы саклану чаралары турында сөйләде. Сыйныф сәгате кызыклы һәм файдалы узды.