Сәгать 9.15-10.30 кадәр укучылар арасында “Егет солтаны ” бәйгесе үтте.Әлеге бәйгедә 8 егет катнашып, тапкырлыкта, уңганлыкта, батырлыкта көч сынашты. Конкурс концерт номерлары белән үрелеп алып барылды. Ә җиңүче булып “Дуслык” отрядыннан Марданов Зөлфәт танылды.

Сәгать 10.30-11.15 кадәр “Күңелле футбол” ярышы үтте. Ярышта һәр отряд та бик актив катнашты, укучылар үзләренең җитезлекләрен, көчләрен сынадылар.Ике команда арасында булган ярыш нәтиҗәсе - дуслык җиңүе белән тәмамланды.

Сәгать 11.15-11.50 кадәр төшке аш вакыты. Балалар повар апалары әзерләгән тәмле ризыклар белән сыйландылар.

Сәгать 11.50-12.05 кадәр “Чисталык операциясе”. Лагерьның соңгы көне буларак,бүлмәләрне тәртипләделәр. соң Лесхоз бистәсенә Боз сараена экскурсия оештырылды. Боз сараенда вакыт сизелми дә үтеп китте. Кире лагерьга кайтыр вакыт та җитте.

Сәгать14.45 көндәлек эшкә йомгак ясалып, лагерь белән саубуллашылды. Балалар лагерьда көннәрнең бик күңелле үтүен әйтеп өйләренә таралдылар.