Бүген лагерьның соңгы көне. Бүгенге көн моңсу да, шатлыклы да. Моңсу- дуслар белән аерылышасы килми, шатлыклы- бүген сабантуй бәйрәме булачак! Сабантуй бәйрәме милли уеннар уйнау белән башланып китте.Балалар шау-гөр килеп төрле уеннар уйнадылар,татарча биеделәр. Күзне бәйләп чүлмәк вату, домино ташу, күзне бәйләп әйбер кисү,аркан тарту уеннарында балалар бик актив катнаштылар.Ике команда бер-берсен җиңәргә тырышып аркан тартыштылар. Иң көчлеләре "Елмаю" командасы булды. "Шатлыклар" да сынатмадылар.Алар капчык киеп йөгерү ярышында беренчелекне алдылар. Ә аннары "Җырлы- моңлы балачак" исеме астында концерт башланып китте.Ике отряд та бик тырышып чыгышлар әзерләделәр.

22 нче июнь - Бөек Ватан сугышы башланган көн буларак, укучыларны 5 ел барган сугышта авылыбыздан катнашучылар, аларның гайләләре турында мәгълүмат бирелде.Әлеге сугыш китергән фаҗигалы көн турында сөйләшенде. Илләрдә һәрвакыт тынычлык, иминлек булсын!

Көндезге аш вакытында повар Алсу, Гүзәл апалары балаларны тәмле ризыклар белән сыйладылар.Сңыннан лагерь ябылу тантанасына җыйналдык. Кичә күтәренке рухта үтеп, балалар бик канәгать булып өйләренә озатылды.