Бүген мәктәп балалар Думасының уку юнәлеше җитәкчеләре "Үрнәк көндәлек" конкурсына нәтиҗә ясадылар һәм җиңүче укучыларны билгеләделәр.Ахтямова А.,Исмагилова А.,Харисова Э,Галимҗанова И.,Гильмиева Ә.,Закиҗанова Я. җиңүче дип табылды.Молодцы,укучылар!

"Чишмәкәй" балалар берлегенең уку юнәлеше җитәкчеләре укучыларның формадан йөрүләрен тикшерделәр.Барлык укучылар да формадан йөриләр.

Якынлашып килүче Әниләр көне уңаеннан мәктәбебездә күп чаралар оештырыла.Бүген 1-11 нче сыйныф укучылары катнашында "Җырлыйм әнием турында" дип аталган җырлар бәйгесе булып үтте.Кичәдә әниләр темасына багышланган бик күп җырлар яңгырады.

Тиздән Әниләр көне.Шушы уңайдан "Оста куллар" түгәрәгенә йөрүче укучылар "Әниемә бүләккә!" акциясе игьлан иттеләр.Укучылар мәктәптә  тәнәфес араларында,өйләрендә бик тырышып бүләкләр әзерлиләр.Әниләрне зур сюрприз көтә.

  2016 нчы елның 17 нче ноябрендә " Терроризм: куркыныч яный!” темасына видеофильм күрсәтелде.  Билалова И.Н. укучылар белән үзара әңгәмә оештырды.

  2016 нчы елның 15 ноябрендә мәктәбебездә, балалар бакчаларында балаларны мәктәпкә әзерләү, файдаланылган алымнарны өйрәнү юнәлешләрен күрсәтү максатыннан, тәрбиячеләр өчен ачык ишекләр көне үтте. Беренче сыйныф укытучысы Юмаева Гүзәл Миннулловна математика, әйләнә – тирә дөнья һәм рус теле фәннәреннән ачык дәресләр күрсәтте. 

  2016 нчы елның 14 ноябрендә 5 нче сыйныф укучылары һәйкәл – обелискка шефлыкка бардылар.

13 нче ноябрь көнне Ш.З.Зиннуров исемендәге Сатыш урта мәктәбендә Әниләр көне уңаеннан Гильманова А. “Әнием – алтыным, минем иң якыным” темасына рәсем күргәзмәсе оештырды. Гильмиева Анисанең, Галлямова Динанең рәсемнәрен бигрәк тә яратып карадылар.

11 ноябрь көнне мәктәбебездә "Суга бату очракларында беренче ярдәм күрсәтү" темасына фельдшер Зарипова Э.Р. белән очрашу оештырылды. Эльмира Рафаэлевна укучыларны суга бату очракларында беренче ярдәм күрсәтү юлларын сөйләде һәм практик күнекмәләр формалаштырды.Исән-имин булыйк!