Бүген мәктәбебездә кунаклар- Саба судының администраторы Халимов Рәдис Фарисович һәм мировой судья Шаймарданова Айгөл Габдуловна булдылар. Алар укучылар белән әңгәмә барышында төрле суд процесслары, судья һөнәре, укучыларны кызыксындырган сораулар хакында сөйләштеләр. Укучылар өчен әлеге очрашу бик файдалы булды.

Мәктәбебездә финанс грамотлылыгы атнасы бара. Укучылар мәктәп музеенда акча берәмлеге тарихы белән таныша, сборда катнаша һәм үз акча берәмлеген тәкъдим итә алдылар.

Бүген 9, 11 сыйныф укучылары өчен Психологик үзәктән Ләйсән Тәлгатевна тренинглар үткәрде. Тренинглар алда көтеләчәк имтиханнар алдыннан укучыларның эмоциональ хәләтен яхшыртуга юнәлдерелгән иде.

12 апрель- космонавтика көне. Шул уңайдан укучылар өчен төрле чаралар үткәрелде. Физика укытучысы Рахимов Р.М. өлкән сыйныф укучылары өчен, китапханәче Солтанова Р.Ф. 5-6 сыйныфлар өчен чыгышлар үткәрде. Башлангыч сыйныф укучылары гөр килеп самолетлар очыртуда ярыштылар һәм рәсем бәйгесендә катнаштылар.

7 апрель- Бөтендөнья сәламәтлек көне. Шул уңайдан мәктәбебездә төрле чаралар үткәрелде. Укучылар үзара сәламәтлек темасына белемнәрен сынадылар, рәсем бәйгесендә катнаштылар. Уздырылган тәрбия сәгатьләре белемнәрен тагын да тулыландырды.

Мәктәбебезнең 10-11 сыйныф укучылары бүген география фәненнән ВПР эшләделәр.

1 апрель- Бөтендөнья кошлар көне. Шул уңайдан бүген мәктәбебездә канатлы дусларыбызга багышланган чара үтте.

Бүген 8 сыйныф укучылары Байлар Сабасында урнашкан Аграр көллияттә сәяхәттә булып, аның эшчәнлеге белән танышып кайттылар.

Укучылар каникул вакытларын файдалы һәм күңелле итеп үткәрәләр. Бүген укучыларыбыз "Нарат" боз сараена тимераякта шуырга бардылар.

Бүген мәктәбебездә 1-6 һәм 7-11 сыйныфлар арасында "Нәүрүз" бәйрәме үткәрелде. Укучылар дәрә кучтәнәчләреннән авыз итеп, уен-көлке белән бәйрәм иттеләр. Шулай итеп язны каршыладылар.