22 декабрь  көнне башлангыч сыйныф укучыларының әти –әниләре өчен “ Ачык ишекләр көне” үткәрелде. Әти әниләр дәрестән соң эшчәнлек буенча ачык шөгыльләр карадылар. Алар күрсәтелгән  чараларны ошаттылар, балаларының бик күп төрле түгәрәкләрдә шөгыльләнүләрен күреп сөенделәр.

2 нче сыйныфта Дәүләтова Г.Г. “Мин –пассажир, мин- җәяүле” дәрестән тыш эшчәнлеге буенча “ Светофорда кунакта” темасына  шөгыль күрсәтте. Дәрестә укучылар бик актив булдылар. Алар кызыксынып юл билгеләре буенча кроссворд чиштеләр, төрле уеннар уйнадылар,  мультфильм  карадылар. Ә дәрес ахырында, үзләре иҗат иткән шигырьләрен укып, әниләрен сөендерделәр.

3 нче сыйныфта Габдрахманова Ә.Н. “ Мин-эзләнүче” дәрестән тыш эшчәнлеге буенча ( прект эшчәнлеге) “ Яңа ел бәйрәме ”темасына ачык чара үткәрде. Дәрес Кыш бабайдан килгән посылканы карау белән башланып китте һәм  укучылар “ Яңа ел бәйрәме ” проекты буенча туплаган белемнәрен күрсәттеләр. Дәрес матур җырлар җырлау, оригами буенча кар бөртекләре ясарга өйрәнү, Яңа ел бәйрәме турында мультфильм  карау белән үрелеп барды.

3 класста Солтанова Р.Ф.  “ Яшь математик” түгәрәгендә  ” Уку да ул, уен да – математика” темасына шөгыль  күрсәтте. Укучылар түгәрәктә  логик фикерләүне үстерү өчен кызыклы биремнәр эшләделәр, “Колумб йомыркасы”уены буенча җәнлек фигуралары төзеделәр,  ребуслар чишәргә өйрәнделәр.  Соңыннан үзләре дә бер –берләренә төрле кызыклы ребуслар ясап тәкъдим иттеләр.

     21нче декабрь көнне  “Тамчы-шоу”да уңышлы чыгыш ясаган 3 укучы һәм 1нче яртыеллык  нәтиҗәләре буенча җиңүче 6 нчы ,7 нче сыйныф укучылары  Әхмәтшина Р.И. һәм Мөхәмәтханова Г.М. җитәкчелегендә Казанга сәяхәткә бардылар.

Укытучы Мөхәмәтханова Г.М. 11 нче сыйныфта "Яхшы милли телле - милләт,  милли тел - милләт җаны, изге хисне, милли гадәтне дә милли тел сөйләр" дигән темага татар теленнән ачык дәрес үткәрде.

Бүген 10 нчы сыйныфта "Аралашу - күркәм сыйфат" дигән темага тәрбия сәгате үтте.

Укучыларда сәламәт яшәү рәвеше формалаштыру максатыннан,5 сыйныфта ачык тәрбия сәгате үтте.  

Укучыларыбыз "Дөнья халыкларының экологик фольклоры" конкурсында призлы урыннар яуладылар.

"Спорт - альтернатива пагубным привычкам" акциясендә рәсем номинациясендә 7 нче сыйныф укучысы Исмагилова Р. (җитәкчесе Гыйлметдинова Д.Х.) өченче урынга лаек булды.