Язгы каникулларда спорт ярышлары дәвам итә. 2-3 нче апрельдә Шәмәрдән лицее базасында мәктәп укучылары арасында флорбол ярышлары узды.

Бадминтон уены белән кызыксынучылар районда арта бара.  28нче март көнне Саба спорткомплексында мәгариф хезмәткәрләре арасында шәхси беренчелеккә ярыш үткәрелде. Биредә мәктәп директорлары һәм укытучылар катнаштылар. Барлыгы 24 командадан 91 уенчы көч сынашты. Чараның ачылу тантанасында Саба муниципаль район Башкарма комитеты җитәкчесе Гасимов Р.М. катнашты һәм уенчыларга уңышлар теләде.

16-17 нче март көнне Байлар Сабасында мәктәп укучылары арасында "Президент уеннары” дип аталган Бөтенроссия спорт ярышларының район этабы узды. Бәйгедә 23 команда катнашты. Беренче көнне алар Балалар иҗат үзәгенең актлар залында Олимпия уеннарына багышланган иҗади чыгышлар күрсәттеләр һәм бу өлкәдә белемнәрен сынадылар. Мәктәп командалары барысы да яхшы хәзерләнеп килгәннәр, жюрига да нәтиҗә ясау җиңелләрдән булмады. Шулай да иң кызыклы һәм эчтәлекле чыгыш ясаган, сорауларга дөрес җавап биргән 10 команда билгеләнде һәм алар ярышның икенче турына үттеләр.

   10 нчы март көнне Байлар Сабасында Кукмара, Теләче һәм Саба районнарының иң яхшы бадминтончылары очрашты. Чараның ачылу тантанасында Саба муниципаль районы башлыгы Р.Н.Минниханов, Башкарма комитеты җитәкчесе Р.М.Гасимов һәм мәгариф бүлеге җитәкчесе И.Ф.Шакиров катнаштылар.

3нче март көнне Байлар Сабасында мәктәп укучылары арасында район беренчелегенә чаңгы ярышы узды. Биредә зона ярышларында җиңү яулаган иң яхшы чаңгычы егет һәм кызлар көч сынаштылар.Чараның ачылу тантанасында Саба муниципаль районы башкарма комитеты җитәкчесенең беренче урынбасары Таһир Шарафиев һәм район мәгариф бүлеге җитәкчесе Илфат Шакиров катнаштылар.