Ленинград блокадасына  багышланган батырлык дәресен тарих укытучысы Нуриахметова Д.Р. үткәрде. 871 көн буена сузылган  мәхшәрнең эчендә кайнаган балалар, өлкәннәрнең  күргәннәрен, кичергәннәрен караганда күз яшьләрен тыеп тору мөмкин түгел.

Бүгенге тыныч тормышыбызның кадерен белергә, тырышып укырга, өлкәннәрне хөрмәт итәргә кирәк!  

5-6 класс укучылары арасында тамчы-шоу уенын педагог-оештыручы Габдракипова Д.А. үткәрде. “Җидегән”  һәм  “Салават күпере” командалары 6 турдан торган уенда көч сынаштылар.Уен 18:15 исәбенә тәмамланды. “Җидегән”  командасы җиңүче булды.

Бүген мәктәбебездән 4 егет Кукмара районының Ятмас-Дусай авылына татарча көрәш буенча  республика ярышына киттеләр.Без аларга уңышлар  телибез!

Мәдәният йортында балалар өчен чыршы бәйрәме үткәрелде. Анда укучыларыбыз уеннарда актив катнаштылар, һөнәрләрен күрсәттеләр, күңелле итеп ял иттеләр.

Лагерьның җиденче көне дә  сизелми  үтеп китте.Консультацияләрдән соң Сабага үзәк чыршы янына мендек. Рәхәтләнеп таудан шудык, таганда атындык,  сыннар  карадык.Лотерея уеныннан соң лагерьны ябу тантанасы булды.

   Егетләр арасында теннис буенча ярышта Гильмутдинов Рәфкать белән Габдракипов Инсафка тиңнәр табылмады.