Пожар турында ишеткәч,

Сигнал бирергә ашык.

Янгын гел көчәя бара,

Туктатып булмый ич һич.

Янгын чыккан очракта

"01" гә шалтырат.

Балалар рәхәтләнеп чаңгы шудылар

Бакчабызда балаларның туган көннәре билгеләп үтелә. Бүген Илмазның туган көне. Аңа ике яшь тулды. Балалар Илмазны котлап, җырлар җырладылар, биеделәр. Илмаз бүләкләрен өләште.

21 январьдан - 25 январьга кадәр төньяк җәнлекләре, кешеләр тормышы белән таныштыру атналыгы үтте. Йомгаклау чарасы итеп балалар төньякка сәяхәткә бардылар (презентация карадылар).

Янгын вакытында үз-үзеңне тоту кагыйдәләрен искә төшерү һәм ныгыту, янгын сүндерү чаралары белән таныштыру максатыннан бакчабызда өйрәнүләр оештырылды. Балалар киенеп, тиз генә куркыныч булмаган урынга йөгереп чыктылар. Бакча хезмәткәрләре тарафыннан куркынычсызлык кагыйдәләре искә төшерелде һәм төгәл үтәлде.

Чаңгычының чаңгысы

Шуа-шуа шомара.

Чаңгың шомарсын дисәң,

Кирәк ешрак шуарга.

Кечкенә генә булсак та

Без гөлләрне беләбез.

Апабыз өйрәтеп торса

Тузанын да сөртәбез.

Биек-биек тау битендә

Чана шуып уйныйбыз.

Ярышабыз-узышабыз

Матур җырлар җырлыйбыз.

Тау башына менәбез дә

Җил уйнатып төшәбез.

Кошлар сыман бер-бер артлы

Түбән таба очабыз.

Бүген бакчада искечә яңа ел бәйрәме билгеләп үтелде. Балалар чыршы тирәсендә төрле уеннар уйнадылар, җырлар җырладылар.

Бераз гына моңсу да,

Ник икәнен мин беләм.

Хушлашабыз чөнки без

Бүген иске ел белән.