Бүген, башлагыч сыйныф укучылары укытучылары Мифтахова Гөлсирин Расимовна белән китаплар һәм андагы китап бүлекләре белән танышу максатыннан мәктәп китапханәсенә экскурсия ясадылар. Китапханәче Гараева Сәрия Солтановна балаларның барлык кызыксындырган сорауларына җавап бирде. Китапларны ничек сакларга, кулланырга кирәклеге турында һәм китапханәнең эш режимы белән таныштырды.

9нчы сентябрь көнне, Балалар Иҗат Үзәгендә укытучыларга икенче югары белем дипломы тапшыру тантанасы узды. Безнең мәктәптән Мостафина Фәрдия Маһияновна һәм Мифтахова Гөлсирин Расимовна кызыл дипломга ия булдылар. Котлыйбыз аларны!

15нче августан - 15 сентябрга кадәр  "Балалар иминлеге" айлыгы игълан ителде. Шул максаттан, мәктәптә төрле темаларга класс сәгатьләре, әңгәмәләр, куркынычсызлык кагыйдәләре кабатланды.  

Мәктәп күләмендәге варислар арасында сайлаулар узды. Алар үзләренең яңа әйдаманын (Садыкова Зилә 7нче сыйныф укучысы), оешма члены җитәкчеләрен сайлап куйдылар.

1нче сентябрь көнне барлык классларда да экологиягә багышланган "Чисталык дәресе" итеп үткәрелде.

1  Сентябрь! Нинди шатлыклы һәм бәхетле көн! Һәрбер баланың йөзендә шатлык очкыннары. Алар күптән көтеп алган дуслары белән очраша, сөйләп бетмәс серләре белән белән уртаклаша, белем дөньясының яңа ачышлары хакында хыяллана. Бәйрәм белән Сезне, дуслар!