15нче февраль- Советлар Союзы Герое, Ленин премиясе иясе Муса Җәлилнең туган көне. Халкыбыз быел аның 107 еллыгын билгеләп үтә. Шул уңайдан мәктәбебездә “Җәлил эзләре буйлап” дигән  сәяхәт-дәрес үткәрелде. Татар теле һәм әдәбияты укытучысы Миннебаева И.М. укучылар белән  шагыйрьнең тормышы, кем булуы, язган әсәрләре турында әңгәмә алып барды. Ул йөргән сукмаклар, аның кул җылысын саклаган әйберләр белән таныштырды. Шагыйрьнең тормышы һәм иҗаты буенча эшләнгән презентация күрсәтте, укучыларның сорауларына җавап бирде.

Бүген "Лыжня России - 2013" узды. Анда башлангыч сыйныфлар, урта һәм өлкән класслар, укытучылар һәм хезмәткәрләр катнашты.

Бүген Фәнис Яруллинның тууына 75 ел. Шул уңайдан динамик пауза вакытында китапханәче Гараева С.С. һәм педагог-оештыручы Ибрагимова М.Г. ачык чара күрсәттеләр.

Сәламәтлекне ныгыту максатыннан 6нчы сыйныфлар укытучылары Мустафина Фәрдия Маһияновна белән чаңгыга чыктылар.

Районда укытучылар арасында Спартакиада ярышлары бара. Мәктәп укытучылары аркан тарту буенча 1нче урын алып кайттылар.  

Районнан килгән нигезләмә нигезендә барлык класслар да  график нигезендә чаңгыга бастылар. Бүген 5нче сыйныф укучылары укытучылары белән чаңгы шуып керделәр.

Бүген мәктәп күләмендә эвакуация буенча тренировкалар уздырылды.

Мәгариф учрежденияләрендә пожар куркынычсызлыгы турындагы нигезләмә буенча мәктәп күләмендә тәрбия сәгатләре, укучыларга өстәмә инструктаж үткәрелде

29нчы гыйнвар көнне югары сыйныф укучылары Казан шәһәренә экскурсиягә бардылар. Укучылар Милли музейда булдылар, Г.Камал исемендәге академия театрында Туфан Миңнуллинның “Гөргөри кияүләре” комедиясен карадылар. Укучылар сәяхәттән канәгать калдылар, рәхәтләнеп ял иттеләр.